ਅਕਸਰ ਹੀ ਹੈਰਾਨ ਕਰਨ ਦੇ ਮਾਮਲੇ ਸਾਹਮਣੇ ਆਉਂਂਦੇ ਰਹਿੰਦੇ ਹਨ। ਹੁਣ ਇਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਕੁੱਤੇ ਦੀ ਨਸਲ ਦੇ ਸਰਟੀਫਿਕੇਟ ਲਈ ਆਨਲਾਈਨ ਅਰਜ਼ੀ ਆਈ ਹੈ। ਇਹ ਹੈਰਾਨੀਜਨਕ ਮਾਮਲਾ ਗਯਾ ਜ਼ਿਲ੍ਹੇ ਦੇ ਗੁਰਾਰੂ ਬਲਾਕ ਦਾ ਹੈ। ਜਿੱਥੇ ਕਾਸਟ ਸਰਟੀਫਿਕੇਟ ਬਣਾਉਣ ਲਈ ਸਰਕਲ ਦਫ਼ਤਰ ਵਿੱਚ ਅਰਜ਼ੀ ਪ੍ਰਾਪਤ ਹੋਈ ਹੈ।
ਇਹ ਐਪਲੀਕੇਸ਼ਨ ਇੱਕ ਕੁੱਤੇ ਦੁਆਰਾ ਮਿਲੀ ਹੈ। ਵਿਭਾਗ ਨੇ ਇਸ ਅਰਜ਼ੀ ਨੂੰ ਰੱਦ ਕਰ ਦਿੱਤਾ, ਪਰ ਬਿਨੈਕਾਰ ਨੇ ਸਾਰੇ ਜ਼ਰੂਰੀ ਦਸਤਾਵੇਜ਼ ਵੀ ਨੱਥੀ ਕੀਤੇ ਹਨ। ਇਸ ਅਰਜ਼ੀ ਵਿਚ ਬਿਨੈਕਾਰ ਦਾ ਨਾਮ ਟੌਮੀ ਹੈ। ਟੌਮੀ ਦੇ ਪਿਤਾ ਦਾ ਨਾਂ ਸ਼ੇਰੂ ਤੇ ਮਾਂ ਦਾ ਨਾਂ ਗਿੰਨੀ ਹੈ। ਕਾਸਟ ਸਰਟੀਫਿਕੇਟ ਲਈ ਅਪਲਾਈ ਕਰਨ ਵਾਲੇ ਟੌਮੀ ਦਾ ਪਤਾ ਪਿੰਡ ਪੰਡੇਪੋਖਰ, ਪੰਚਾਇਤ ਰਾਉਣਾ, ਵਾਰਡ ਨੰ: 13, ਸਰਕਲ ਗੁਰਰੂ ਅਤੇ ਥਾਣਾ ਕੋਂਚ ਹੈ।
ਕੁੱਤੇ ਨੇ ਦੱਸੀ ਜਾਤ
ਇਸ ਦੇ ਨਾਲ ਹੀ ਬਿਨੈਕਾਰ ਨੇ ਆਪਣੀ ਜਾਤੀ ਤਰਖਾਣ ਵਜੋਂ ਦਿੱਤੀ ਹੈ। ਪੇਸ਼ਾ ਵਿਦਿਆਰਥੀ ਭਰਿਆ ਹੈ। ਜਨਮ ਮਿਤੀ 14 ਅਪ੍ਰੈਲ 2022 ਹੈ। ਉੱਥੇ ਹੀ ਜਾਤ ਵਿਚ ਵਰਗ ਅਤਿ ਪੱਛੜਿਆ ਲਿਖਿਆ ਹੈ। ਬਿਨੈਕਾਰ ਨੇ ਆਧਾਰ ਕਾਰਡ ਦੀ ਕਾਪੀ ਵੀ ਨੱਥੀ ਕੀਤੀ ਹੈ। ਆਧਾਰ ਨੰਬਰ 993460458271 ਹੈ।
24 ਜਨਵਰੀ ਨੂੰ ਪ੍ਰਾਪਤ ਹੋਈ ਅਰਜ਼ੀ
ਇਹ ਆਨਲਾਈਨ ਅਰਜ਼ੀ 24 ਜਨਵਰੀ 2023 ਨੂੰ ਪ੍ਰਾਪਤ ਹੋਈ ਹੈ। ਇਸ ਦਰਖਾਸਤ ਕਾਰਨ ਜ਼ੋਨਲ ਦਫ਼ਤਰ ਦੇ ਅਧਿਕਾਰੀਆਂ ਤੇ ਮੁਲਾਜ਼ਮਾਂ ‘ਚ ਹਾਹਾਕਾਰ ਮਚ ਗਈ। ਪੜਤਾਲ ਤੋਂ ਬਾਅਦ ਅਰਜ਼ੀ ਰੱਦ ਕਰ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਆਧਾਰ ਕਾਰਡ ਫਰਜ਼ੀ ਨਿਕਲਿਆ ਹੈ।
ਮੁਲਜ਼ਮ ਖਿਲਾਫ ਹੋਵੇਗੀ ਕਾਰਵਾਈ
ਇਸ ਮਾਮਲੇ ਵਿੱਚ ਜ਼ੋਨਲ ਅਧਿਕਾਰੀ ਸੰਜੀਵ ਕੁਮਾਰ ਤ੍ਰਿਵੇਦੀ ਨੇ ਦੱਸਿਆ ਕਿ ਕਿਸੇ ਨੇ ਇਹ ਸ਼ਰਾਰਤ ਕੀਤੀ ਹੈ। ਮੁਲਜ਼ਮਾਂ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਸ਼ਨਾਖਤ ਤੋਂ ਬਾਅਦ ਉਸ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।
