ਪਿੰਡ ਢੇਹਾ, ਹੁਸ਼ਿਆਰਪੁਰ ‘ਚ ਸਿੰਪਲ ਟਰੈਕਟਰ ਤਵੀਆਂ ਅਤੇ ਜੁਗਾੜੁ ਟਰੈਕਟਰ ਤਵੀਆਂ ਦਾ ਹੋਇਆ ਵਿਸ਼ਾਲ ਚੌਥਾ ਮੁਕਾਬਲਾ

ਪਿੰਡ ਢੇਹਾ, ਹੁਸ਼ਿਆਰਪੁਰ ‘ਚ ਸਿੰਪਲ ਟਰੈਕਟਰ ਤਵੀਆਂ ਅਤੇ ਜੁਗਾੜੁ ਟਰੈਕਟਰ ਤਵੀਆਂ ਦਾ ਹੋਇਆ ਵਿਸ਼ਾਲ ਚੌਥਾ ਮੁਕਾਬਲਾ, ਦੇਖੋ ਵੀਡੀਓ ਨਿਊਜ਼…

ਪਿੰਡ ਢੇਹਾ ਜਿਲਾ ਹੁਸ਼ਿਆਰਪੁਰ/ ਮਨਜੋਤ ਚਾਹਲ

ਸ਼ਹੀਦ ਭਗਤ ਸਿੰਘ ਸਪੋਰਟਸ ਕਲੱਬ ਰਜਿ. ਪਿੰਡ ਢੇਹਾ ਜਿਲਾ ਹੁਸ਼ਿਆਰਪੁਰ ਵਲੋਂ ਚੌਥਾ ਟਰੈਕਟਰ ਤਵੀਆਂ ਮੁਕਾਬਲਾ ਕਰਵਾਇਆ ਗਿਆ, ਜਿਸ ਵਿਚ ਮੁੱਖ ਮਹਿਮਾਨ ਸ਼੍ਰੀ ਗੌਰਵ ਦੱਤਾ ਸਾਬਕਾ ਜੁਡੀਸ਼ੀਅਲ ਜੱਜ ਚੰਡੀਗੜ੍ਹ , ਵਿਸ਼ੇਸ਼ ਮਹਿਮਾਨ ਇੰਸਪੇਕਟਰ ਮੀਨਾ ਕੁਮਾਰੀ ਪਵਾਰ ਅੰਤਰਰਾਸ਼ਟਰੀ ਵੇਟਲਿਫਟਰ ਅਤੇ ਪਾਵਰਲਿਫਟਰ ਪੰਜਾਬ ਪੁਲਿਸ, ਹਰਮਨ ਸਿੰਘ ਸਟੇਟ ਕਨਵੀਨਰ ਮਨੁੱਖੀ ਅਧਿਕਾਰ ਅਤੇ ਨਸ਼ਾ ਵਿਰੋਧੀ ਲਹਿਰ ਸਾਬਕਾ ਡੀਜੀਪੀ ਸ਼ਸ਼ੀ ਕਾਂਤ ਆਈਪੀਐਸ ਪੰਜਾਬ ਪੁਲਿਸ, ਸ਼ਿੰਦਰਪਾਲ ਸਿੰਘ ਚਾਹਲ ਪ੍ਰਧਾਨ ਚੰਡੀਗੜ੍ਹ ਪੰਜਾਬ ਜਰਨਲਿਸਟ ਐਸੋਸੀਏਸ਼ਨ ਵਿਸ਼ੇਸ਼ ਤੋਰ ਤੇ ਸ਼ਾਮਲ ਹੋਏ।  ਇਸ ਸਮੇ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਹੋਏ ਕਿਸਾਨ ਮੇਲੇ ਦੇ ਮੁੱਖ ਪ੍ਰਬੰਧਕ ਹਰਮਨ ਢੈਹਾ ਅਤੇ ਸੁੱਖਾ ਢੈਹਾ ਨੇ ਦਸਿਆ ਕਿ ਇਸ ਸਮੇ ਸਿੰਪਲ ਟਰੈਕਟਰ ਤਵੀਆਂ ਮੁਕਾਬਲਾ ਅਤੇ ਜੁਗਾੜੁ ਟਰੈਕਟਰ ਤਵੀਆਂ ਮੁਕਾਬਲਾ ਕਰਵਾਇਆ ਗਿਆ. ਜਿਸ ਵਿਚ ਜੁਗਾੜੁ ਟਰੈਕਟਰ ਤਵੀਆਂ ਮੁਕਾਬਲਾ ‘ਚ ਪਹਿਲਾ ਇਨਾਮ ਸੁੱਖਾ ਢੈਹਾ, ਦੂਜਾ ਇਨਾਮ ਚਮਕੌਰ ਸਾਹਿਬ ਬਿੰਦਾ , ਤੀਜਾ ਇਨਾਮ ਸੁੱਖਾ ਢੈਹਾ ਅਤੇ ਚੋਥਾ ਇਨਾਮ ਢੀਂਡਸਾ ਮੋਡੀਫਿਕੇਸ਼ਨ ਨੇ ਜਿੱਤਿਆ। ਉਨ੍ਹਾਂ ਦਸਿਆ ਕਿ ਸਿੰਪਲ ਟਰੈਕਟਰ ਤਵੀਆਂ ਮੁਕਾਬਲਾ ‘ਚ ਪਹਿਲਾ ਇਨਾਮ ਸੁੱਖਾ ਢੈਹਾ, ਦੂਜਾ ਇਨਾਮ ਚੰਨੀ ਗੋਸਲ ,ਤੀਜਾ ਇਨਾਮ ਸਾਬਾ ਲਲੀਆਂ, ਚੋਥਾ ਇਨਾਮ ਢੀਂਡਸਾ ਮੋਡੀਫਿਕੇਸ਼ਨ ਅਤੇ ਪੰਜਵਾਂ ਇਨਾਮ ਜੋਨੀ ਗੁਰਦਾਸਪੁਰੀਆਂ ਟੈਂਕ ਬੋਰ ਵਾਲੇ ਨੇ ਜਿਤਿਆ ਹੈ। ਮੇਲੇ ਦੇ ਮੁੱਖ ਪ੍ਰਬੰਧਕ ਹਰਮਨ ਢੈਹਾ ਦਸਿਆ ਕਿ ਇਸ ਮੌਕੇ ਸੁੱਖਾ ਢੈਹਾ ਦਾ ਬੁਲਟ ਮੋਟਰਸਾਇਕਲ ਨਾਲ ਸਨਮਾਨ ਵੀ ਕੀਤਾ ਗਿਆ।  ਇਸ ਮੌਕੇ ਸ਼ਹੀਦ ਭਗਤ ਸਿੰਘ ਸਪੋਰਟਸ ਕਲੱਬ ਰਜਿ. ਪਿੰਡ ਢੇਹਾ ਵਲੋਂ ਆਏ ਸਮੂਹ ਮਹਿਮਾਨਾਂ ਦਾ ਵਿਸ਼ੇਸ਼ ਸਨਮਾਨ ਕੀਆ ਗਿਆ ਅਤੇ ਜੇਤੂਆਂ ਨੂੰ ਵੱਡੇ ਇਨਾਮ ਦਿਤੇ ਗਏ , ਦੇਖੋ ਪਿੰਡ ਢੈਹਾ ਤੋਂ ਵਿਸ਼ੇਸ਼ ਰਿਪੋਰਟ