ਪੁਲਿਸ ਥਾਣੇਦਾਰ ਦੀ ਦੁਕਾਨ ‘ਚੋਂ ਸਿਗਰਟਾਂ ਦੇ ਪੈਕਟ ਚੋਰੀ ਕਰਦੇ ਦੀ ਵੀਡੀਓ CCTV ‘ਚ ਕੈਦ
ਪੁਲਿਸ ਅਕਸਰ ਚੋਰਾਂ ਨੂੰ ਫੜਨ ਲਈ ਸੀਸੀਟੀਵੀ ਕੈਮਰੇ ਲਾਉਣ ਦੀਆਂ ਹਦਾਇਤਾਂ ਦਿੰਦੀ ਹੈ ਪਰ ਹਰਿਆਣਾ ਦੇ ਪੰਚਕੂਲਾ ਜ਼ਿਲ੍ਹੇ ਦੇ ਸੈਕਟਰ 17 ਵਿੱਚ ਇਹੀ ਸੀਸੀਟੀਵੀ ਕੈਮਰਾ ਚੰਡੀਗੜ੍ਹ ਪੁਲਿਸ ਦੇ ਇੱਕ ਸਬ-ਇੰਸਪੈਕਟਰ ਦੇ ਗਲੇ ਦੀ ਹੱਡੀ ਬਣ ਗਿਆ। ਕਿਉਂਕਿ ਹਾਈਟੈਕ ਮੰਨੇ ਜਾਂਦੇ ਚੰਡੀਗੜ੍ਹ ਪੁਲਿਸ ਦੇ ਇੱਕ ਐਸਆਈ ਨੇ ਇੱਕ ਦੁਕਾਨ ਤੋਂ ਸਿਗਰਟ ਦੇ ਦੋ ਡੱਬੇ ਚੋਰੀ ਕਰ ਲਏ।ਪੁਲਿਸ ਥਾਣੇਦਾਰ ਦੀ ਦੁਕਾਨ ‘ਚੋਂ ਸਿਗਰਟਾਂ ਦੇ ਪੈਕਟ ਚੋਰੀ ਕਰਦੇ ਦੀ ਵੀਡੀਓ CCTV ‘ਚ ਕੈਦ ਹੋਣ ਨਾਲ ਪੁਲਿਸ ਵਿਭਾਗ ਚ ਹੜ੍ਹਕਮ ਮੱਚ ਗਿਆ ਹੈ ਹੁਣ ਦੇਖਣਾ ਹੋਵੇਗਾ ਇਸ ਸਖਸ਼ ਤੇ ਕੀ ਕਾਰਵਾਈ ਕਰਦੇ ਹਨ ਸੀਨੀਅਰ ਅਧਿਕਾਰੀ।
ਜਦੋਂ ਦੁਕਾਨਦਾਰ ਨੇ ਸੀਸੀਟੀਵੀ ਕੈਮਰਾ ਚੈੱਕ ਕੀਤਾ ਤਾਂ ਸਾਹਮਣੇ ਆਇਆ ਕਿ ਚੰਡੀਗੜ੍ਹ ਪੁਲਿਸ ਦੇ ਸਬ-ਇੰਸਪੈਕਟਰ ਨੇ ਉਸ ਦੀ ਦੁਕਾਨ ਤੋਂ ਸਿਗਰਟ ਚੋਰੀ ਕੀਤੀ ਹੈ। ਜਿਸ ਤੋਂ ਬਾਅਦ ਸਬ-ਇੰਸਪੈਕਟਰ ਨਾਲ ਗੱਲ ਕੀਤੀ ਗਈ ਤਾਂ ਉਹ ਸਿਗਰਟ ਵਾਪਸ ਦੇਣ ਜਾਂ ਪੈਸੇ ਦੇਣ ਲਈ ਦੁਕਾਨ ‘ਤੇ ਆਇਆ। ਅਜਿਹੇ ‘ਚ ਉਨ੍ਹਾਂ ਦੀ ਗੱਲਬਾਤ ਸੀਸੀਟੀਵੀ ਕੈਮਰੇ ‘ਚ ਵੀ ਰਿਕਾਰਡ ਹੋ ਗਈ।
ਇਸ ਦੇ ਨਾਲ ਹੀ ਸੀਸੀਟੀਵੀ ਫੁਟੇਜ ‘ਚ ਪੁਲਿਸ ਮੁਲਾਜ਼ਮ ਪਹਿਲਾਂ ਦੁਕਾਨ ‘ਚ ਪਏ ਸਾਮਾਨ ਨੂੰ ਦੇਖਦਾ ਨਜ਼ਰ ਆ ਰਿਹਾ ਹੈ। ਇਸ ਦੇ ਨਾਲ ਹੀ ਦੁਕਾਨ ਮਾਲਕ ਬਾਹਰ ਨਿਕਲਦੇ ਹੀ ਕਾਊਂਟਰ ਤੋਂ ਸਿਗਰਟਾਂ ਦੇ 2 ਪੈਕੇਟ ਚੁੱਕ ਕੇ ਆਪਣੀ ਜੇਬ ਵਿੱਚ ਪਾ ਲਏ। ਜਦੋਂ ਦੁਕਾਨਦਾਰ ਨੇ ਸੀਸੀਟੀਵੀ ਕੈਮਰੇ ਦੀ ਜਾਂਚ ਕੀਤੀ ਤਾਂ ਪੁਲਿਸ ਮੁਲਾਜ਼ਮ ਫੜਿਆ ਗਿਆ।
ਦੁਕਾਨਦਾਰ ਨੇ ਦੱਸਿਆ ਕਿ ਉਸ ਨੇ ਮੌਲੀਜਾਗਰਾਂ ਥਾਣੇ ਦੇ ਇੰਚਾਰਜ ਨੂੰ ਵੀ ਇਸ ਪੁਲਿਸ ਮੁਲਾਜ਼ਮ ਦੀ ਹਰਕਤ ਬਾਰੇ ਸੂਚਿਤ ਕੀਤਾ। ਹਾਲਾਂਕਿ ਗੋਇਲ ਨੇ ਕਿਹਾ ਕਿ ਉਹ ਪੁਲਿਸ ਕਰਮਚਾਰੀ ਖਿਲਾਫ ਕਾਰਵਾਈ ਨਹੀਂ ਚਾਹੁੰਦੇ ਹਨ। ਇਹ ਉਸ ਦੇ ਲਈ ਇੱਕ ਸਬਕ ਹੈ। ਗੋਇਲ ਨੇ ਦੱਸਿਆ ਕਿ ਇਕ ਮਹੀਨਾ ਪਹਿਲਾਂ ਵੀ ਇਹ ਪੁਲਿਸ ਮੁਲਾਜ਼ਮ ਦੁਕਾਨ ਤੋਂ ਟਾਫੀਆਂ ਦਾ ਡੱਬਾ ਚੁੱਕ ਕੇ ਲੈ ਗਿਆ ਸੀ।
