ਪੁੱਤ ਨੇ ਚਿੱਟਾ ਖਾ ਕੇ ਤਬਾਹ ਕਰ ਤਾ ਔਰਤ ਦਾ ਪਰਿਵਾਰ
The son destroyed the woman's family by eating white, the whole family lost to drugs
ਪੰਜਾਬ ਵਿਚ ਕਈ ਘਰਾਂ ਨੂੰ ਤਬਾਹ ਕਰਕੇ ਰੱਖ ਦਿੱਤਾ ਏ। ਅਜਿਹਾ ਹੀ ਇਕ ਪਰਿਵਾਰ ਅੰਮ੍ਰਿਤਸਰ ਤੋਂ ਸਾਹਮਣੇ ਆਇਆ ਏ, ਜੋ ਚਿੱਟੇ ਕਾਰਨ ਤਬਾਹ ਹੋ ਚੁੱਕਿਆ ਏ। ਦਰਅਸਲ ਨਸ਼ਿਆਂ ਦੀ ਦਲਦਲ ‘ਚ ਫਸੇ ਇਕ ਨੌਜਵਾਨ ਨੇ ਚਿੱਟੇ ਦੇ ਰਾਹ ਆਪਣਾ ਸਾਰਾ ਘਰ ਤਬਾਹ ਕਰਕੇ ਰੱਖ ਦਿੱਤਾ, ਜਿੱਥੇ ਉਸ ਦੀ ਸਰਕਾਰੀ ਨੌਕਰੀ ਚਲੀ ਗਈ, ਉਥੇ ਹੀ ਘਰਬਾਰ ਸਭ ਕੁੱਝ ਵਿਕ ਗਿਆ।
ਹੁਣ ਕਿਰਾਏ ‘ਤੇ ਰਹਿਣ ਲਈ ਮਜਬੂਰ ਹੋਣਾ ਪੈ ਰਿਹਾ ਏ।ਅੰਮ੍ਰਿਤਸਰ ਵਿਖੇ ਇਕ ਨੌਜਵਾਨ ਨੇ ਆਪਣਾ ਸਾਰਾ ਘਰਬਾਰ ਅਤੇ ਗਹਿਣੇ ਗੱਟੇ ਚਿੱਟੇ ਦੇ ਰਾਹ ਹੜ੍ਹਾਅ ਦਿੱਤੇ, ਇੱਥੋਂ ਤੱਕ ਕਿ ਉਸ ਨੂੰ ਸਰਕਾਰੀ ਨੌਕਰੀ ਤੋਂ ਵੀ ਹੱਥ ਧੋਣੇ ਪੈ ਗਏ, ਜਿਸ ਤੋਂ ਬਾਅਦ ਹੁਣ ਇਸ ਪਰਿਵਾਰ ਦੀ ਹਾਲਤ ਕਾਫ਼ੀ ਤਰਸਯੋਗ ਬਣ ਚੁੱਕੀ ਐ। ਨੌਜਵਾਨ ਦੀ ਮਾਂ ਨੇ ਰੋਂਦਿਆਂ ਦੱਸਿਆ ਕਿ ਚਿੱਟੇ ਨੇ ਉਸ ਦਾ ਘਰ ਬਰਬਾਦ ਕਰਕੇ ਰੱਖ ਦਿੱਤਾ ਏ, ਉਨ੍ਹਾਂ ਦੀ ਹਾਲਤ ਭੀਖ ਮੰਗਣ ਵਾਲੀ ਹੋ ਚੁੱਕੀ ਐ। ਉਨ੍ਹਾਂ ਸਰਕਾਰ ਨੂੰ ਅਪੀਲ ਕੀਤੀ ਕਿ ਉਨ੍ਹਾਂ ਦੀ ਮਦਦ ਕੀਤੀ ਜਾਵੇ, ਉਸ ਦੇ ਪੁੱਤਰ ਦਾ ਇਲਾਜ ਕਰਵਾਇਆ ਜਾਵੇ।
ਉਧਰ ਜਦੋਂ ਇਸ ਸਬੰਧੀ ਨਸ਼ਾ ਕਰਨ ਵਾਲੇ ਨੌਜਵਾਨ ਜਸਵਿੰਦਰ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਸ ਨੇ ਦੱਸਿਆ ਕਿ ਉਸ ਨੇ ਚਿੱਟੇ ਰਾਹੀਂ ਕਰੋੜਾਂ ਰੁਪਏ ਖ਼ਰਚ ਕਰ ਦਿੱਤੇ ਅਤੇ ਸਾਰਾ ਘਰਬਾਰ ਤਬਾਹ ਹੋ ਗਿਆ
