ਪੱਤਰਕਾਰ ਗੁਰਪ੍ਰੀਤ ਸਿੰਘ ਬਣੇ ਮੀਡੀਆ ਕਲੱਬ ਰਜਿ. ਦੇ ਜਨਰਲ ਸਕੱਤਰ
ਜਲੰਧਰ / ਬਿਉਰੋ ਰਿਪੋਰਟ
ਸਮੂਹ ਪੱਤਰਕਾਰ ਭਾਇਚਾਰੇ ਦੀਆਂ ਹੱਕੀ ਮੰਗਾਂ ਲਈ ਹਰ ਸਮੇ ਤੱਤਪਰ ਰਹਿਣ ਵਾਲੀ ਵੱਡੀ ਜਥੇਬੰਦੀ ਮੀਡੀਆ ਕਲੱਬ ਰਜਿ. ਵਲੋਂ ਸਰਬਸੰਮਤੀ ਨਾਲ ਸੀਨੀਅਰ ਪੱਤਰਕਾਰ ਗੁਰਪ੍ਰੀਤ ਸਿੰਘ ਨੂੰ ਸੰਸਥਾਂ ਦਾ ਜਨਰਲ ਸਕੱਤਰ ਲਗਾਇਆ ਗਿਆ ਹੈ। ਮੀਡੀਆ ਕਲੱਬ ਦੇ ਮੁੱਖ ਦਫਤਰ ਵਿਖੇ ਸੰਸਥਾ ਦੇ ਚੇਅਰਮੈਨ ਅਮਨ ਮਹਿਰਾ , ਪ੍ਰਧਾਨ ਸ਼ਿੰਦਰਪਾਲ ਸਿੰਘ ਚਾਹਲ , ਖਜਾਨਚੀ ਗੋਪਾਲ ਮਹਿੰਦਰੂ ਅਤੇ ਪੀ ਆਰ ਓ ਦਲਬੀਰ ਸਿੰਘ ਵਲੋਂ ਪੱਤਰਕਾਰ ਗੁਰਪ੍ਰੀਤ ਸਿੰਘ ਨੂੰ ਆਪਣੇ ਕਰ ਕਮਲਾ ਨਾਲ ਨਿਯੁਕਤੀ ਪੱਤਰ ਦਿੱਤਾ ਗਿਆ।
ਇਸ ਮੌਕੇ ਸੰਸਥਾ ਦੇ ਚੇਅਰਮੈਨ ਅਮਨ ਮਹਿਰਾ ਅਤੇ ਪ੍ਰਧਾਨ ਸ਼ਿੰਦਰਪਾਲ ਸਿੰਘ ਚਾਹਲ ਨੇ ਕਿਹਾ ਕਿ ਪੱਤਰਕਾਰਾਂ ਨੂੰ ਕਵਰਿੰਗ ਦੌਰਾਨ ਫੀਲਡ ‘ਚ ਆ ਰਹੀਆਂ ਮੁਸ਼ਕਲਾਂ ਅਤੇ ਸਮੂਹ ਪੱਤਰਕਾਰ ਭਾਇਚਾਰੇ ਦੀਆ ਹੱਕੀ ਮੰਗਾਂ ਲਈ ਜਲਦ ਹੀ ਮੁੱਖ ਮੰਤਰੀ ਪੰਜਾਬ ਭਗਵੰਤ ਸਿੰਘ ਅਤੇ ਡੀ ਜੀ ਪੀ ਪੰਜਾਬ ਗੌਰਵ ਯਾਦਵ ਨੂੰ ਮਿਲਿਆ ਜਾਵੇਗਾ।
