ਲੋਕਾਂ ਨੂੰ ਪਰੋਸੇ ਜਾ ਰਹੇ ਸੁਸਰੀ ਵਾਲੇ ਭਟੂਰੇ, ਵੰਦੇ ਭਾਰਤ ਟਰੇਨ ‘ਚ ਪਰੋਸੀ ਦਾਲ ‘ਚ ਮਿਲਿਆ ਕਾਕਰੋਚ, ਵੀਡੀਓ!
Susri wale bhature being served to people, video viral
ਅਜਨਾਲਾ ਸ਼ਹਿਰ ਅੰਦਰ ਦੁਕਾਨਾਂ ਉੱਤੇ ਸ਼ਰੇਆਮ ਲੋਕਾਂ ਨੂੰ ਖਾਣ ਪੀਣ ਵਾਲੀਆਂ ਚੀਜ਼ਾਂ ਵਿੱਚ ਕੀੜੇ ਮਕੌੜੇ ਪਰੋਸ ਕੇ ਦਿੱਤੇ ਜਾ ਰਹੇ ਹਨ। ਅਜਨਾਲਾ ਦੀ ਧਰਮਪਾਲ ਵੈਸ਼ਨੋ ਭੋਜਨ ਭੰਡਾਰ ਦੁਕਾਨ ਉੱਤੇ ਜੋ ਭਟੂਰੇ ਵੇਚੇ ਜਾ ਰਹੇ ਹਨ ਉਨ੍ਹਾਂ ਵਿੱਚੋਂ ਸੁਸਰੀਆਂ ਨਿਕਲ ਰਹੀਆਂ ਹਨ। ਧਰਮਪਾਲ ਵੈਸ਼ਨੋ ਭੋਜਨ ਭੰਡਾਰ ਤੋਂ ਭਠੂਰੇ ਪੈਕ ਕਰਵਾ ਕੇ ਗ੍ਰਾਹਕ ਵੱਲੋਂ ਘਰ ਲਿਜਾਂਦੇ ਗਏ ਸਨ।
ਰੇਲਵੇ ਦਾ ਖਾਣਾ ਸਵਾਲਾਂ ਦੇ ਘੇਰੇ ‘ਚ ! ਵੰਦੇ ਭਾਰਤ ‘ਚ ਪਰੋਸੀ ਗਈ ਦਾਲ ‘ਚ ਮਿਲਿਆ ਕਾਕਰੋਚ
ਆਮ ਤੌਰ ‘ਤੇ ਟਰੇਨਾਂ ‘ਚ ਖਰਾਬ ਖਾਣੇ ਦੇ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਅਜਿਹਾ ਹੀ ਮਾਮਲਾ ਸ਼ਿਰੜੀ ਤੋਂ ਮੁੰਬਈ ਜਾ ਰਹੀ ਵੰਦੇ ਭਾਰਤ ਟਰੇਨ ਦਾ ਸਾਹਮਣੇ ਆਇਆ ਹੈ।
ਰਿੱਕੀ ਐਮ ਜੇਸਵਾਨੀ ਨਾਂ ਦਾ ਯਾਤਰੀ ਵੰਦੇ ਭਾਰਤ ਟਰੇਨ ਰਾਹੀਂ ਸ਼ਿਰੜੀ ਤੋਂ ਮੁੰਬਈ ਜਾ ਰਿਹਾ ਸੀ। ਉਸ ਦੇ ਖਾਣੇ ‘ਚ ਇਕ ਮਰਿਆ ਹੋਇਆ ਕਾਕਰੋਚ ਮਿਲਿਆ, ਜਿਸ ਨੇ ਲੋਕਾਂ ਨੂੰ ਟਰੇਨ ‘ਚ ਖਰਾਬ ਭੋਜਨ ਦੀ ਯਾਦ ਦਿਵਾ ਦਿੱਤੀ। ਉਸ ਨੇ ਇੰਡੀਅਨ ਰੇਲਵੇ ਕੈਟਰਿੰਗ ਐਂਡ ਟੂਰਿਜ਼ਮ ਕਾਰਪੋਰੇਸ਼ਨ (IRCTC) ਕੋਲ ਲਿਖਤੀ ਸ਼ਿਕਾਇਤ ਦਰਜ ਕਰਵਾਈ ਹੈ।
ਉਸਨੇ 19 ਅਗਸਤ ਨੂੰ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੂੰ ਟੈਗ ਕਰਦੇ ਹੋਏ ਇੰਸਟਾਗ੍ਰਾਮ ‘ਤੇ ਆਪਣੇ ਬੁਰੇ ਅਨੁਭਵ ਬਾਰੇ ਲਿਖਿਆ ਸੀ। ਉਨ੍ਹਾਂ ਕਿਹਾ, “ਅਸੀਂ ਸ਼ਿਰੜੀ ਤੋਂ ਮੁੰਬਈ ਜਾ ਰਹੀ ਵੰਦੇ ਭਾਰਤ ਰੇਲਗੱਡੀ ਵਿੱਚ ਖਾਣਾ ਖਾ ਰਹੇ ਸੀ ਅਤੇ ਦਾਲ ਵਿੱਚ ਇੱਕ ਮਰਿਆ ਹੋਇਆ ਕਾਕਰੋਚ ਮਿਲਿਆ। ਮੈਨੇਜਰ ਨੇ ਇਸ ਦੀ ਪੁਸ਼ਟੀ ਕੀਤੀ। 19.08.2014 ਨੂੰ ਲਿਖਤੀ ਸ਼ਿਕਾਇਤ ਨੰਬਰ 16103 ਦਿੱਤਾ। ਕੀ ਇਹ ਨਵਾਂ ਭਾਰਤ ਹੈ?”
ਇਕ ਹੋਰ ਯਾਤਰੀ ਨੇ ਐਕਸ ‘ਤੇ ਲਿਖਤੀ ਸ਼ਿਕਾਇਤ ਅਤੇ ਦਾਲਾਂ ‘ਚ ਮਿਲੇ ਮਰੇ ਹੋਏ ਕਾਕਰੋਚਾਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਸ ‘ਚ ਯਾਤਰੀ ਟਰੇਨ ‘ਚ ਪਰੋਸੇ ਜਾਣ ਵਾਲੇ ਖਾਣੇ ਦੀ ਸਫਾਈ ਅਤੇ ਸੁਰੱਖਿਆ ਨੂੰ ਲੈ ਕੇ ਸ਼ਿਕਾਇਤ ਕਰਦੇ ਦੇਖਿਆ ਜਾ ਸਕਦਾ ਹੈ। ਇੱਕ ਤਸਵੀਰ ਵਿੱਚ ਦਾਲ ਵਿੱਚ ਇੱਕ ਮਰਿਆ ਹੋਇਆ ਕਾਕਰੋਚ ਵੀ ਨਜ਼ਰ ਆ ਰਿਹਾ ਹੈ।
