ਅਜੀਬੋ-ਗਰੀਬ ਘਟਨਾ ਵਿੱਚ ਮੁੱਖ ਮੰਤਰੀ ਸਮੂਹਿਕ ਵਿਆਹ ਯੋਜਨਾ ਤੋਂ ਪੈਸੇ ਲੈਣ ਲਈ ਇੱਕ ਵਿਅਕਤੀ ਨੇ ਆਪਣੀ ਹੀ ਭੈਣ ਨਾਲ ਸਮੂਹਿਕ ਵਿਆਹ ਕਰਵਾ ਲਿਆ। ਅਸਲ ਵਿੱਚ ਵਿਆਹ ਸਮਾਜ ਭਲਾਈ ਵਿਭਾਗ ਵੱਲੋਂ ਕਰਵਾਏ ਜਾਂਦੇ ਹਨ। ਸਮੂਹਿਕ ਵਿਆਹ ਸਕੀਮ ਤਹਿਤ ਰਾਜ ਸਰਕਾਰ ਹਰੇਕ ਜੋੜੇ ਨੂੰ ਦਿੱਤੇ ਜਾਣ ਵਾਲੇ ਘਰੇਲੂ ਤੋਹਫ਼ਿਆਂ ਤੋਂ ਇਲਾਵਾ 35,000 ਰੁਪਏ ਦਿੰਦੀ ਹੈ। ਸਕੀਮ ਦੇ ਵੇਰਵਿਆਂ ਅਨੁਸਾਰ, ਲਾੜੇ ਦੇ ਬੈਂਕ ਖਾਤੇ ਵਿੱਚ 20,000 ਰੁਪਏ ਜਮ੍ਹਾ ਕੀਤੇ ਜਾਂਦੇ ਹਨ ਅਤੇ 10,000 ਰੁਪਏ ਦਾ ਤੋਹਫ਼ਾ ਵੀ ਦਿੱਤਾ ਜਾਂਦਾ ਹੈ।
ਇਹ ਵਿਆਹ 11 ਦਸੰਬਰ ਨੂੰ ਫ਼ਿਰੋਜ਼ਾਬਾਦ ਦੇ ਟੁੰਡਲਾ ਵਿਖੇ ਹੋਇਆ ਸੀ ਅਤੇ ਇਹ ਉਦੋਂ ਸਾਹਮਣੇ ਆਇਆ ਜਦੋਂ ਸਥਾਨਕ ਪਿੰਡ ਵਾਸੀਆਂ ਨੇ ਵਿਆਹੁਤਾ ਜੋੜੇ ਦੀ ਪਛਾਣ ਭੈਣ-ਭਰਾ ਵਜੋਂ ਕੀਤੀ। ਟੁੰਡਲਾ ਬਲਾਕ ਵਿਕਾਸ ਦਫ਼ਤਰ ਦੇ ਅਹਾਤੇ ਵਿੱਚ ਪ੍ਰੋਗਰਾਮ ਕਰਵਾਇਆ ਗਿਆ, ਜਿਸ ਵਿੱਚ 51 ਹੋਰ ਜੋੜਿਆਂ ਦੇ ਵੀ ਵਿਆਹ ਕਰਵਾਏ ਗਏ।
ਬਲਾਕ ਵਿਕਾਸ ਅਫ਼ਸਰ ਟੁੰਡਾਲਾ ਨਰੇਸ਼ ਕੁਮਾਰ ਨੇ ਕਿਹਾ ਕਿ ਇਸ ਵਿੱਚ ਸ਼ਾਮਿਲ ਵਿਅਕਤੀਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਜਾਵੇਗੀ। ਜਿਸ ਭਰਾ ਦੇ ਆਧਾਰ ਕਾਰਡ ਦੀ ਤਸਦੀਕ ਕੀਤੀ ਜਾ ਰਹੀ ਹੈ, ਉਸ ਵਿਰੁੱਧ ਵੀ ਐਫਆਈਆਰ ਦਰਜ ਕੀਤੀ ਗਈ ਹੈ।
