ਜਥੇਦਾਰ ਵਡਾਲਾ ਵਲੋਂ ਅਮਨ-ਸ਼ਾਂਤੀ/ਭਾਈਚਾਰਕ ਏਕਤਾ ਨਾਲ ਨਿਰਪੱਖ ਵੋਟਿੰਗ ਲਈ ਸਿਵਲ/ਪੁਲਿਸ ਪ੍ਰਸ਼ਾਸਨ ਅਤੇ ਵੋਟਰਾਂ ਦਾ ਧੰਨਵਾਦ
ਜਲੰਧਰ / ਐਸ ਐਸ ਚਾਹਲ
ਨਕੋਦਰ ਹਲਕੇ ਤੋਂ ਸ਼ੋ੍ਮਣੀ ਅਕਾਲੀ-ਬਸਪਾ ਗਠਜੋੜ ਦੇ ਸਾਂਝੇ ਉਮੀਦਵਾਰ ਜਥੇਦਾਰ ਗੁਰਪ੍ਰਤਾਪ ਸਿੰਘ ਵਡਾਲਾ ਨੇ ਹਲਕੇ ਅੰਦਰ ਅਮਨ-ਅਮਾਨ ਨਾਲ ਨੇਪਰੇ ਚੜ੍ਹੇ ਮਤਦਾਨ ਲਈ ਹਲਕੇ ਦੇ ਵੋਟਰਾਂ ਤੇ ਹਮਾਇਤੀਆਂ ਦਾ ਧੰਨਵਾਦ ਕੀਤਾ।
ਵਡਾਲਾ ਨੇ ਕਿਹਾ ਕਿ ਵੋਟ ਹਰੇਕ ਵਿਅਕਤੀ ਦਾ ਆਪਣਾ ਸੰਵਿਧਾਨਕ ਤੇ ਮੌਲਿਕ ਅਧਿਕਾਰ ਹੈ ਜਿਸਦੀ ਵਰਤੋਂ ਕਰ ਕੇ ਲੋਕ ਆਉਣ ਵਾਲੇ ਪੰਜ ਸਾਲਾਂ ਲਈ ਆਪਣੀ ਪਸੰਦ ਦੀ ਸਰਕਾਰ ਚੁਣਦੇ ਹਨ। ਉਨਾਂ੍ਹ ਕਿਹਾ ਪਾਰਟੀ ਦੀਆਂ ਨੀਤੀਆਂ ਆਧਾਰਿਤ ਪ੍ਰਚਾਰ ਕਰ ਕੇ ਆਪਣੇ ਆਪ ਲਈ ਵੋਟ ਮੰਗਣਾ ਹਰੇਕ ਉਮੀਦਵਾਰ ਦਾ ਵੀ ਅਧਿਕਾਰ ਹੁੰਦਾ ਹੈ
ਵਡਾਲਾ ਨੇ ਕਿਹਾ ਕਿ ਹਲਕੇ ਦੇ ਜਿਨਾਂ੍ਹ ਵੋਟਰਾਂ ਨੇ ਗਠਜੋੜ ਲਈ ਵੋਟ ਕੀਤਾ ਉਹ ਨਿੱਜੀ ਤੌਰ ‘ਤੇ ਆਪਣੇ ਵੋਟਰਾਂ ਤੇ ਸਪੋਰਟਰਾਂ ਦਾ ਧੰਨਵਾਦ ਕਰਦੇ ਹਨ। ਵਡਾਲਾ ਨੇ ਕਿਹਾ ਕਿ ਜਿੱਤ-ਹਾਰ ਆਪਣੀ ਜਗ੍ਹਾ ਹੈ ਪਰ ਅਮਨ ਸ਼ਾਂਤੀ ਤੇ ਭਾਈਚਾਰਕ ਏਕਤਾ ਜਿੱਤ ਨਾਲੋਂ ਕਿਤੇ ਵੱਡੀ ਹੁੰਦੀ ਹੈ। ਉਨ੍ਹਾਂ ਕਿਹਾ ਵੋਟਿੰਗ ਦੌਰਾਨ ਕਿਸੇ ਕਿਸਮ ਦੀ ਅਣਸੁਖਾਵੀਂ ਘਟਨਾ ਨਹੀਂ ਵਾਪਰੀ ਇਸ ਪੱਖੋਂ ਹਲਕੇ ਦੇ ਵੋਟਰ ਵਧਾਈ ਦੇ ਹੱਕਦਾਰ ਹਨ। ਵਡਾਲਾ ਨੇ ਅਮਨ-ਸ਼ਾਂਤੀ ਅਤੇ ਭਾਈਚਾਰਕ ਏਕਤਾ ਨਾਲ ਨਿਰਪੱਖ ਵੋਟਿੰਗ ਕਰਵਾਉਣ ‘ਤੇ ਸਿਵਲ ਤੇ ਪੁਲਿਸ ਪ੍ਰਸ਼ਾਸਨ ਦਾ ਵੀ ਧੰਨਵਾਦ ਕੀਤਾ।
