ਕਾਂਗਰਸ ਨੇ ਦੇਸ਼ ਨੂੰ ਲੁੱਟਿਆ ‘ਤੇ ਕੁਟਿਆ ਤੇ ਆਪ ਵੀ ਲੁੱਟਣ ਨੂੰ ਫਿਰਦੀ ਹੈ ਹੁਣ ਦੋਨਾਂ ਨੂੰ ਲੋਕ ਨਿਕਾਰ ਦੇਣਗੇ -ਟੀਨੂੰ
ਆਦਮਪੁਰ – ਐਸ ਐਸ ਚਾਹਲ
ਹਲਕਾ ਆਦਮਪੁਰ ਤੋਂ ਅਕਾਲੀ ਬਸਪਾ ਦੇ ਉਮੀਦਵਾਰ ਪਵਨ ਕੁਮਾਰ ਟੀਨੂੰ ਨੇ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਕਹਿੰਦੇ ਹਨ ਕਿ ਪੰਜਾਬ ਵਿੱਚ ਭਈਏ ਨਹੀਂ ਆਉਣਗੇ।
ਟੀਨੂੰ ਨੇ ਪੁੱਛਿਆ ਕਿ, ਕੀ ਗੁਰੂ ਨਾਨਕ ਦੇਵ ਜੀ ਨੇ ਇਹ ਸੰਦੇਸ਼ ਦਿੱਤਾ ਸੀ? ਓਨਾ ਕਿਹਾ ਕਿ ਗੁਰੂ ਸਾਹਿਬ ਨੇ ਤਾ ਸਾਰਿਆਂ ਨੂੰ ਬਰਾਬਰ ਤੇ ਬਿਨਾ ਕਿਸੇ ਭੇਦ ਭਾਵ ਦੇ ਰਹਿਣ ਦਾ ਸੰਦੇਸ਼ ਦਿੱਤੋ ਸੀ ਕਾਂਗਰਸ ਵੰਡ ਪਾ ਕੇ ਸੱਤਾ ਹਾਸਲ ਕਰਨਾ ਚਾਹੁੰਦੀ ਹੈ। ਟੀਨੂੰ ਨੇ ਕਿਹਾ ਕਿ ”ਜਦੋਂ ਚਰਨਜੀਤ ਸਿੰਘ ਚੰਨੀ ਭਈਏ ਨੂੰ ਪੰਜਾਬ ਨਾ ਆਉਣ ਦੇਣ ਦਾ ਬਿਆਨ ਦੇ ਰਿਹਾ ਸੀ ਤਾਂ ਪ੍ਰਿਅੰਕਾ ਗਾਂਧੀ ਵਾਡਰਾ ਤਾੜੀਆਂ ਮਾਰ ਰਹੀ ਸੀ।
ਨਾਲ ਹੀ ਉਨ੍ਹਾਂ ਕਿਹਾ-”ਪੰਜਾਬ ਵਿੱਚ ਬਦਲਾਅ ਦੀ ਹਵਾ ਚੱਲ ਰਹੀ ਹੈ। ਇੱਕ ਨੇ ਪੰਜਾਬ ਨੂੰ ਲੁੱਟਿਆ ਤੇ ਦੂਜੇ ਨੇ ਦਿੱਲੀ ਵਿੱਚ ਕੁਝ ਨਹੀਂ ਕੀਤਾ। ਟੀਨੂੰ ਨੇ ਕਿਹਾ ਕਿ ਕਾਂਗਰਸ ‘ਚ ਇੱਕੋ ਕ੍ਰੀਜ਼ ‘ਤੇ ਦੋ ਲੋਕ ਬੱਲੇਬਾਜ਼ੀ ਕਰ ਰਹੇ ਹਨ, ਇਸ ਲਈ ਉਨ੍ਹਾਂ ਦਾ ਆਊਟ ਹੋਣਾ ਯਕੀਨੀ ਹੈ।
ਇਸ ਮੌਕੇ ਟੀਨੂੰ ਨੇ ਕਿਹਾ ਕਿ ਪੰਜਾਬ ਵਿੱਚ ਨਸ਼ੇ ਨੂੰ ਸਿਰਫ਼ ਅਕਾਲੀ ਬਸਪਾ ਹੀ ਰੋਕ ਸਕਦੀ ਹੈ। ਆਉ ਅਕਾਲੀ ਬਸਪਾ ਦੀ ਸਰਕਾਰ ਬਣਾਈਏ, ਫਿਰ ਦੇਖਦੇ ਹਾਂ ਕਿ ਨਸ਼ਾ ਕੌਣ ਵੇਚਦਾ ਹੈ। ਹਰ ਕਾਂਗਰਸ ਸਰਕਾਰ ‘ਤੇ ਭ੍ਰਿਸ਼ਟ ਹੋਣ ਦਾ ਦੋਸ਼ ਲਾਇਆ ਗਿਆ, ਪਰ ਕਿਸੇ ਅਕਾਲੀ ਬਸਪਾ ‘ਤੇ ਨਹੀਂ। ਸਿਰਫ਼ ਅਕਾਲੀ ਬਸਪਾ ਹੀ ਭ੍ਰਿਸ਼ਟਾਚਾਰ ਨੂੰ ਰੋਕ ਸਕਦੀ ਹੈ।
ਉਨ੍ਹਾਂ ਕਿਹਾ ਕਿ ਕਾਂਗਰਸ ਨੇ ਦੇਸ਼ ਨੂੰ ਲੁੱਟਿਆ ਤੇ ਕੁਟਿਆ ਹੈ। ਅਕਾਲੀ ਬਸਪਾ ਸਰਕਾਰ ਆਉਣ ਤੋਂ ਬਾਅਦ ਦੇਸ਼-ਵਿਦੇਸ਼ ਵਿੱਚ ਪੰਜਾਬ ਅਤੇ ਭਾਰਤ ਦਾ ਸਤਿਕਾਰ ਵਧੇਗਾ ਪਰ ਕਾਂਗਰਸ ਰਾਜ ਆਉਣ ਤੇ ਪੰਜਾਬ ਦਾ ਮਿਆਰ ਘਟਿਆ ਹੈ
