ਜਲੰਧਰ / ਐਸ ਐਸ ਚਾਹਲ
ਪੰਜਾਬ ਦੇ ਟ੍ਰਾਂਸਪੋਰਟ ਮੰਤਰੀ ਬਣੇ ਲਾਲਜੀਤ ਭੁੱਲਰ ਨੇ ਟ੍ਰਾਂਸਪੋਰਟ ਮਾਫਿਆ ਖਿਲਾਫ ਸਖਤੀ ਕਰਨ ਦੀ ਗੱਲ ਆਖੀ ਹੈ। ਮੰਤਰੀ ਨੇ ਕਿਹਾ ਕਿ ਨਾਜਾਇਜ਼ ਬੱਸਾਂ ਉਤੇ ਸ਼ਿਕੰਜਾ ਕੱਸਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਮੇਰੇ ਤੋਂ ਪਹਿਲੇ ਮੰਤਰੀ ਰਾਜਾ ਵੜਿੰਗ ਵੱਲੋਂ ਨਾਜਾਇਜ਼ ਚੱਲਦੀਆਂ ਬੱਸਾਂ ਉਤੇ ਕਾਰਵਾਈ ਦਾ ਦਾਅਵਾ ਕੀਤਾ ਜਾ ਰਿਹਾ ਸੀ ਪਰ ਇਹ ਕਾਰਵਾਈ ਸਿਰਫ ਦੋ ਘਰਾਂ ਤੱਕ ਸੀਮਤ ਸੀ।
ਉਨ੍ਹਾਂ ਕਿਹਾ ਕਿ ਰਾਜਾ ਵੜਿੰਗ ਦੱਸਣ ਕਿ ਕਿਸੇ ਕਾਂਗਰਸੀ ਆਗੂ ਦੀ ਬੱਸ ਉਤੇ ਕਾਰਵਾਈ ਕੀਤੀ ਗਈ। ਉਨ੍ਹਾਂ ਨੇ ਸਿਰਫ ਅਕਾਲੀਆਂ ਦੀਆਂ ਬੱਸਾਂ ਖਿਲਾਫ ਕਾਰਵਾਈ ਕੀਤੀ।
ਉਨ੍ਹਾਂ ਕਿਹਾ ਕਿ ਹੁਣ ਭਾਵੇਂ ਕੋਈ ਅਕਾਲੀ ਦਲ, ਕਾਂਗਰਸ ਜਾਂ ਆਮ ਆਦਮੀ ਪਾਰਟੀ ਦਾ ਵੀ ਕਿਉਂ ਨਾ ਹੋਵੇ ਪਰ ਨਾਜਾਇਜ਼ ਟ੍ਰਾਂਸਪੋਟਰ ਖਿਲਾਫ ਕਾਰਵਾਈ ਹੋਵੇਗੀ। ਚਾਚੇ-ਭਤੀਜੇ ਵਾਲੀ ਯਾਰੀ ਹੁਣ ਨਹੀਂ ਚੱਲਣੀ। ਜੋ ਵੀ ਨਾਜਾਇਜ਼ ਬੱਸਾਂ ਹਨ, ਤੁਰਤ ਬੰਦ ਕਰ ਦਿੱਤੀਆਂ ਜਾਣ।
Advertisement
Advertisement
ਉਨ੍ਹਾਂ ਕਿਹਾ ਕਿ ਇਕ-ਇਕ ਪਰਮਿਟ ਉਤੇ 3-4 ਬੱਸਾਂ ਚੱਲ ਰਹੀਆਂ ਹਨ, ਉਹ ਵੀ ਫੜਾਂਗੇ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਨੇ ਆਪ ਰੂਟ ਵਧਾ ਕੇ 200 ਕਿਲੋਮੀਟਰ ਦੇ ਕਰ ਲਏ ਹਨ। ਹੁਣ ਜਦੋਂ ਇਨ੍ਹਾਂ ਉਤੇ ਨਕੇਲ ਕੱਸੀ ਗਈ ਤਾਂ ਆਪੇ ਹੀ ਸਾਰਾ ਸਿਸਟਮ ਠੀਕ ਹੋ ਜਾਣਾ ਹੈ।
ਉਨ੍ਹਾਂ ਕਿਹਾ ਕਿ ਸਭ ਦੀ ਜਾਂਚ ਹੋਵੇਗੀ, ਜੋ ਵੀ ਗਲਤ ਕੰਮ ਕਰ ਰਿਹਾ ਹੈ, ਕਾਰਵਾਈ ਵੀ ਹੋਵੇਗੀ। ਭੁੱਲਰ ਨੇ ਕਿਹਾ ਕਿ ਸਿਸਟਮ ਨੂੰ ਸੁਧਾਰਨਾ ਹੋਵੇਗਾ। ਇਸ ਲਈ ਕੰਮ ਕੀਤਾ ਜਾਵੇਗਾ
Advertisement
