ਊਨਾ ਵਿੱਚ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਿਆ ਹੈ। ਇਸ ਸੜਕ ਹਾਦਸੇ ਵਿੱਚ 5 ਨੌਜਵਾਨਾਂ ਦੀ ਦਰਦਨਾਕ ਮੌਤ ਹੋ ਗਈ ਹੈ। ਇਹ ਘਟਨਾ ਸਦਰ ਥਾਣਾ ਊਨਾ ਅਧੀਨ ਵਾਪਰੀ। ਮ੍ਰਿਤਕਾਂ ਦੀ ਪਛਾਣ ਰਾਜਨ ਜਸਵਾਲ ਪੁੱਤਰ ਕੁਲਦੀਪ ਜਸਵਾਲ ਅਤੇ ਅਮਲ ਪੁੱਤਰ ਨੰਦ ਲਾਲ ਦੋਵੇਂ ਵਾਸੀ ਸਲੋਹ, ਵਿਸ਼ਾਲ ਚੌਧਰੀ ਉਰਫ਼ ਅਮਨਦੀਪ ਪੁੱਤਰ ਵਲਦੇਵ ਸਿੰਘ ਵਾਸੀ ਮਜਾਰਾ, ਸਿਮਰਨ ਜੀਤ ਸਿੰਘ ਪੁੱਤਰ ਦਰਸ਼ਨ ਸਿੰਘ ਵਾਸੀ ਹਾਜੀਪੁਰ ਤਹਿਸੀਲ ਨੰਗਲ ਜ਼ਿਲ੍ਹਾ ਰੂਪਨਗਰ ਪੰਜਾਬ ਅਤੇ ਅਨੂਪ ਵਜੋਂ ਹੋਈ ਹੈ।
ਸਿੰਘ ਪੁੱਤਰ ਜਨਕ ਰਾਜ ਵਾਸੀ ਝਲੇੜਾ ਵਜੋਂ ਹੋਈ।
ਪੁਲਿਸ ਨੇ ਸਾਰੀਆਂ ਲਾਸ਼ਾਂ ਨੂੰ ਕਬਜ਼ੇ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਸ਼ਨੀਵਾਰ-ਐਤਵਾਰ ਦੀ ਦਰਮਿਆਨੀ ਰਾਤ ਨੂੰ ਸੰਤੋਸ਼ਗੜ੍ਹ ਤੋਂ ਊਨਾ ਵੱਲ ਜਾ ਰਹੀ ਪੰਜਾਬ ਨੰਬਰ ਦੀ ਕਾਰ ਕੁਠਾਰ ਕੋਲ ਪਹੁੰਚਣ ‘ਤੇ ਸੜਕ ਕਿਨਾਰੇ ਖੰਭੇ ਨਾਲ ਟਕਰਾ ਕੇ ਖੇਤਾਂ ‘ਚ ਪਲਟ ਗਈ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਸਥਾਨਕ ਲੋਕਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਕਾਰ ਨੂੰ ਸਿੱਧਾ ਕਰਵਾਇਆ। ਇਸ ਹਾਦਸੇ ‘ਚ ਰਾਜਨ ਜਸਵਾਲ ਅਤੇ ਅਮਲ ਵਾਸੀ ਸਲੋਹ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਜ਼ਖਮੀ ਕਾਰ ਚਾਲਕ ਵਿਸ਼ਾਲ ਚੌਧਰੀ ਵਾਸੀ ਮਜਾਰਾ, ਸਿਮਰਨਜੀਤ ਸਿੰਘ ਵਾਸੀ ਹਾਜੀਪੁਰ ਤਹਿਸੀਲ ਨੰਗਲ ਅਤੇ ਅਨੂਪ ਸਿੰਘ ਵਾਸੀ ਝਲੇੜਾ ਨੂੰ ਊਨਾ ਹਸਪਤਾਲ ਲਿਆਂਦਾ ਗਿਆ, ਜਿੱਥੇ ਇਲਾਜ ਦੌਰਾਨ ਤਿੰਨਾਂ ਦੀ ਮੌਤ ਹੋ ਗਈ।
