ਰਾਜਸਥਾਨ ਦੀ ਪਿਛਲੀ ਕਾਂਗਰਸ ਸਰਕਾਰ ਵਿਚ ਰਾਜ ਮੰਤਰੀ ਦਾ ਦਰਜਾ ਪ੍ਰਾਪਤ ਰਾਜਸਥਾਨ ਘੁਮੰਤੁ ਜਾਤੀ ਬੋਰਡ ਦੇ ਚੇਅਰਮੈਨ ਰਹੇ ਕਾਂਗਰਸੀ ਆਗੂ ਗੋਪਾਲ ਕੇਸਾਵਤ (Congress leader Gopal Kesawat) ਦੀ 21 ਸਾਲਾ ਧੀ ਅਭਿਲਾਸ਼ਾ ਕੇਸਾਵਤ (21) ਨੂੰ ਅਗਵਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਘਟਨਾ ਦੇ ਸਮੇਂ ਬੇਟੀ ਨੇ ਕੇਸਵਤ ਨੂੰ ਵੀ ਫੋਨ ਵੀ ਕੀਤਾ ਸੀ ਅਤੇ ਕਿਹਾ ਸੀ ਕਿ ਕੁਝ ਲੜਕੇ ਉਸ ਦਾ ਪਿੱਛਾ ਕਰ ਰਹੇ ਹਨ।
‘ਪਾਪਾ ਜਲਦੀ ਆ ਜਾਓ।’ ਕੇਸਵਤ ਨੇ ਸੋਮਵਾਰ ਦੇਰ ਰਾਤ ਪ੍ਰਤਾਪ ਨਗਰ ਥਾਣੇ ‘ਚ ਅਣਪਛਾਤਿਆਂ ਖਿਲਾਫ ਬੇਟੀ ਨੂੰ ਅਗਵਾ ਕਰਨ ਦਾ ਮਾਮਲਾ ਦਰਜ ਕਰਵਾਇਆ ਹੈ।
ਇਸ ਦੇ ਨਾਲ ਹੀ ਸੀਐਸਟੀ ਅਤੇ ਪੁਲਿਸ ਦੀਆਂ ਟੀਮਾਂ ਨੇ ਸਾਬਕਾ ਮੰਤਰੀ ਦੀ ਬੇਟੀ ਦੀ ਭਾਲ ਸ਼ੁਰੂ ਕਰ ਦਿੱਤੀ, ਪਰ ਅਜੇ ਤੱਕ ਕੋਈ ਸੁਰਾਗ ਨਹੀਂ ਮਿਲਿਆ ਹੈ।
ਪ੍ਰਤਾਪ ਨਗਰ ਥਾਣੇ ਵਿੱਚ ਦਰਜ ਕਰਵਾਈ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਅਭਿਲਾਸ਼ਾ ਸੋਮਵਾਰ ਸ਼ਾਮ ਸਕੂਟੀ ਉਤੇ ਸਬਜ਼ੀ ਲੈਣ ਐਨਆਰਆਈ ਸਰਕਲ ਤੱਕ ਗਈ ਸੀ। ਪਰ ਜਦੋਂ ਉਹ ਕਾਫੀ ਦੇਰ ਤੱਕ ਵਾਪਸ ਨਾ ਆਈ ਤਾਂ ਰਿਸ਼ਤੇਦਾਰਾਂ ਨੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ।
ਜਦੋਂ ਅਭਿਲਾਸ਼ਾ ਬਾਰੇ ਕੁਝ ਪਤਾ ਨਹੀਂ ਲੱਗਾ ਤਾਂ ਪਰਿਵਾਰ ਵਾਲੇ ਰਾਤ ਨੂੰ ਥਾਣੇ ਪਹੁੰਚ ਗਏ ਅਤੇ ਮਾਮਲਾ ਦਰਜ ਕਰਵਾਇਆ। ਇਸ ਤੋਂ ਬਾਅਦ ਮੰਗਲਵਾਰ ਸਵੇਰੇ ਅਭਿਲਾਸ਼ਾ ਦੀ ਸਕੂਟੀ ਏਅਰਪੋਰਟ ਰੋਡ ‘ਤੇ ਝਾੜੀਆਂ ਵਿਚੋਂ ਲਾਵਾਰਸ ਹਾਲਤ ‘ਚ ਖੜ੍ਹੀ ਮਿਲੀ।
ਪ੍ਰਤਾਪ ਨਗਰ ਦੇ ਥਾਣਾ ਮੁਖੀ ਭਜਨ ਲਾਲ ਨੇ ਦੱਸਿਆ ਕਿ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਹਰ ਪਹਿਲੂ ਤੋਂ ਜਾਂਚ ਕੀਤੀ ਜਾ ਰਹੀ ਹੈ।
