ਕਾਂਗਰਸ ਨੇ ਜਲੰਧਰ ਪੱਛਮੀ ਤੋਂ ਦਿੱਤੀ ਟਿਕਟ, ਜਾਣੋ ਕੌਣ ਹੈ ਉਮੀਦਵਾਰ ਸੁਰਿੰਦਰ ਕੌਰ

ਜਲੰਧਰ ਪੱਛਮੀ ਵਿਧਾਨ ਸਭਾ ਹਲਕੇ ਦੀ ਉਪ ਚੋਣ ਲਈ ਕਾਂਗਰਸ ਨੇ ਸਾਬਕਾ ਸੀਨੀਅਰ ਡਿਪਟੀ ਮੇਅਰ ਅਤੇ ਪੰਜ ਵਾਰ ਕੌਂਸਲਰ ਸੁਰਿੰਦਰ ਕੌਰ ਨੂੰ ਉਮੀਦਵਾਰ ਬਣਾਇਆ ਹੈ। ਇਸ ਨਾਲ ਪੱਛਮੀ ਵਿਧਾਨ ਸਭਾ ਹਲਕੇ ਵਿੱਚ ਤਿਕੋਣਾ ਮੁਕਾਬਲਾ ਤੈਅ ਹੋ ਗਿਆ ਹੈ।

ਸੁਰਿੰਦਰ ਕੌਰ ਨੇ ਟਿਕਟ ਹਾਸਲ ਕਰਨ ਲਈ ਕੋਈ ਸਿਆਸੀ ਚਾਲ ਅਜ਼ਮਾਉਣ ਦੀ ਬਜਾਏ ਪਿਛਲੇ 25 ਸਾਲਾਂ ਦੀ ਮਿਹਨਤ ਨੂੰ ਆਧਾਰ ਬਣਾਇਆ। ਟਿਕਟ ਦੇ 21 ਦਾਅਵੇਦਾਰ ਸਨ ਪਰ ਕਾਂਗਰਸ ਨੂੰ ਸੁਰਿੰਦਰ ਕੌਰ ਦੇ ਨਾਂ ਨੂੰ ਹੀ ਮਨਜ਼ੂਰੀ ਦੇਣੀ ਪਈ। ਆਪਣੇ ਪਤੀ ਰਾਮ ਆਸਰੇ ਦੀ ਮੌਤ ਤੋਂ ਬਾਅਦ ਸੁਰਿੰਦਰ ਕੌਰ ਨੇ ਚੋਣ ਲੜੀ ਅਤੇ ਹੌਲੀ-ਹੌਲੀ ਸਿਆਸੀ ਤੌਰ ‘ਤੇ ਨਿਪੁੰਨ ਹੋ ਗਈ

ਉਸਨੇ ਘਰ ਅਤੇ ਰਾਜਨੀਤੀ ਵਿੱਚ ਸੰਤੁਲਨ ਬਣਾਈ ਰੱਖਿਆ ਅਤੇ ਦੋਵਾਂ ਪਾਸਿਆਂ ਤੋਂ ਸਫਲਤਾ ਪ੍ਰਾਪਤ ਕੀਤੀ। ਪਿਛਲੀਆਂ ਪੰਜ ਚੋਣਾਂ ਵਿਚ ਉਹ ਲਗਾਤਾਰ ਇਕਪਾਸੜ ਜਿੱਤਦੀ ਰਹੀ ਹੈ। ਪਾਰਟੀ ਨੇ 2018 ਵਿੱਚ ਸੀਨੀਅਰ ਡਿਪਟੀ ਮੇਅਰ ਦੀ ਜ਼ਿੰਮੇਵਾਰੀ ਦਿੱਤੀ ਸੀ। ਉਹ ਆਪਣੇ ਕਰੀਅਰ ਵਿੱਚ ਵਿਵਾਦਾਂ ਤੋਂ ਦੂਰ ਰਹੀ ਹੈ।