ਲਾਡੋਵਾਲ ਟੋਲ ਪਲਾਜ਼ ‘ਤੇ ਫਾਇਰਿੰਗ; VIP ਲਾਈਨ ‘ਚ ਮੁਲਾਜਮਾਂ ਦੇ ਮਾਰੀਆਂ ਗੋਲੀਆਂ, ਮੱਚਿਆ ਹੜਕੰਪ

Firing at Ladowal toll plaza; Employees fired bullets in VIP line, creating chaos

ਲੁਧਿਆਣਾ ਵਿੱਚ ਸਭ ਤੋਂ ਮਹਿੰਗੇ ਟੋਲ ਪਲਾਜ਼ਾ ਲਾਡੋਵਾਲ ‘ਤੇ ਦੇਰ ਰਾਤ ਲਗਭਗ ਸਾਡੇ 10 ਵਜੇ ਫਾਇਰਿੰਗ ਦਾ ਮਾਮਲਾ ਸਾਹਮਣੇ ਆਇਆ। ਟੋਲ ਪਲਾਜ਼ਾ ‘ਤੇ ਹਫੜਾ-ਦਫੜੀ ਮਾਹੌਲ ਬਣ ਗਿਆ। XUV ਕਾਰ ਵਿੱਚ ਸਵਾਰ ਕੁੱਝ ਲੋਕ VIP ਲਾਈਨ ਵਿੱਚ ਜਾਣ ਦੀ ਜਿੰਦ ਕਰ ਰਹੇ ਸਨ।

ਕਾਰ ਵਿੱਚ ਬੈਠੇ ਲੋਕ ਆਪਣੇ ਆਪ ਨੂੰ ਕਿਸੇ ਵਿਭਾਗ ਦਾ ਚੇਅਰਮੈਨ ਦੱਸ ਰਹੇ ਸਨ। ਜਦੋਂ ਟੋਲ ਕਰਮਚਾਰੀ ਨੇ ਉਨ੍ਹਾਂ ਤੋਂ ID ਕਾਰਡ ਮੰਗਿਆ ਤਾਂ ਗੁੱਸੇ ਵਿੱਚ ਆ ਕੇ ਉਹਨਾਂ ਨੇ ਟੋਲ ਕਰਮਚਾਰੀਆਂ ‘ਤੇ ਗੋਲੀਆਂ ਚਲਾਈਆਂ।

ਹੋਰ ਕਰਮਚਾਰੀਆਂ ਨੂੰ ਆਉਂਦਾ ਦੇਖ ਬਦਮਾਸ਼ ਭੱਜ ਗਏ

ਗਨੀਮਤ ਇਹ ਰਹੀ ਕਿ ਕਿਸੇ ਟੋਲ ਕਰਮਚਾਰੀ ਨੂੰ ਗੋਲੀ ਨਹੀਂ ਲੱਗੀ। ਟੋਲ ਕਰਮਚਾਰੀਆਂ ਨੇ ਵੀ ਆਪਣੇ ਬਚਾਅ ਲਈ ਡੰਡੇ ਆਦਿ ਉਠਾਏ। ਗੋਲੀਆਂ ਚੱਲਣ ਦੀ ਆਵਾਜ਼ ਸੁਣਕੇ ਟੋਲ ਬੂਥਾਂ ਵਿੱਚ ਬੈਠੇ ਹੋਰ ਕਰਮਚਾਰੀ ਵੀ ਬਾਹਰ ਆ ਗਏ, ਜਿਸ ਕਾਰਨ ਕਾਰ ਵਿੱਚ ਬੈਠੇ ਲੋਕ ਮੌਕੇ ਤੋਂ ਭੱਜ ਗਏ। ਇਹ ਘਟਨਾ ਸੀਸੀਟੀਵੀ ਕੈਮਰਿਆਂ ਵਿੱਚ ਵੀ ਕੈਦ ਹੋ ਗਈ।

ਟੋਲ ਕਰਮਚਾਰੀਆਂ ਨੇ ਘਟਨਾ ਦੀ ਸੂਚਨਾ ਤੁਰੰਤ ਲਾਡੋਵਾਲ ਥਾਣੇ ਦੀ ਪੁਲਿਸ ਨੂੰ ਦਿੱਤੀ। ਪੁਲਿਸ ਮੌਕੇ ‘ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਚੁੱਕੀ ਹੈ। ਪੁਲਿਸ ਸੀਸੀਟੀਵੀ ਦੇ ਆਧਾਰ ‘ਤੇ ਆਰੋਪੀਆਂ ਦੀ ਪਛਾਣ ਕਰਨ ਵਿੱਚ ਲੱਗੀ ਹੋਈ ਹੈ।

VIP ਲਾਈਨ ਤੋਂ ਗੁਜ਼ਰ ਰਹੇ ਬਦਮਾਸ਼

ਟੋਲ ਕਰਮਚਾਰੀ ਕੁਲਜੀਤ ਸਿੰਘ ਨੇ ਦੱਸਿਆ ਕਿ VIP ਲਾਈਨ ਵਿੱਚ ਇੱਕ XUV ਗੱਡੀ ਲੁਧਿਆਣਾ ਤੋਂ ਫਿਲੌਰ ਵੱਲ ਜਾ ਰਹੀ ਸੀ। ਗੱਡੀ ਵਿੱਚ ਬੈਠੇ ਲੋਕ ਬਿਨਾਂ ਟੈਕਸ ਦਿੱਤੇ ਗੱਡੀ ਬਾਹਰ ਕੱਢਣ ਦੀ ਜਿੰਦ ਕਰ ਰਹੇ ਸਨ। ਗੱਡੀ ਵਿੱਚ 7 ਤੋਂ 8 ਲੋਕ ਬੈਠੇ ਸਨ। ਜਦੋਂ ਉਨ੍ਹਾਂ ਤੋਂ VIP ਕਾਰਡ ਮੰਗਿਆ ਗਿਆ ਤਾਂ ਉਨ੍ਹਾਂ ਨੇ ਕੋਈ ਕਾਰਡ ਨਹੀਂ ਦਿਖਾਇਆ।

ਖੁਦ ਨੂੰ ਕਿਸੇ ਵਿਭਾਗ ਦਾ ਚੇਅਰਮੈਨ ਦੱਸਿਆ

ਕੁਲਜੀਤ ਸਿੰਘ ਨੇ ਦੱਸਿਆ ਕਿ ਆਰੋਪੀ ਆਪਣੇ ਆਪ ਨੂੰ ਕਿਸੇ ਵਿਭਾਗ ਦਾ ਚੇਅਰਮੈਨ ਦੱਸ ਰਹੇ ਸਨ। ਉਨ੍ਹਾਂ ਦੇ ਨਾਲ ਦੇ ਲੋਕ ਜਬਰਦਸਤੀ ਗੇਟ ਖੋਲ੍ਹਵਾਕੇ ਗੱਡੀ ਲੈ ਜਾਣ ਲੱਗੇ, ਤਾਂ ਉਨ੍ਹਾਂ ਨੂੰ ਰੋਕਿਆ ਗਿਆ। ਗੁੱਸੇ ਵਿੱਚ ਆ ਕੇ ਹਮਲਾਵਰਾਂ ਨੇ ਕੁੱਟਮਾਰ ਸ਼ੁਰੂ ਕਰ ਦਿੱਤੀ।

ਹਮਲਾਵਰਾਂ ਨੇ ਟੋਲ ਕਰਮਚਾਰੀਆਂ ‘ਤੇ ਸਿੱਧੀਆਂ ਗੋਲੀਆਂ ਚਲਾਈਆਂ। ਉਹਨਾਂ ਨੇ 4 ਤੋਂ 5 ਗੋਲੀਆਂ ਚਲਾਈਆਂ। ਕਿਸੇ ਤਰ੍ਹਾਂ ਭੱਜ ਕੇ ਅਸੀਂ ਆਪਣੀ ਜਾਨ ਬਚਾਈ।