ਸਰਪੰਚ ਨੇ ਮੌਤ ਦੇ ਸਰਟੀਫਿਕੇਟ ‘ਤੇ ਲਿਖ’ਤਾ, "ਅਸੀਂ ਮ੍ਰਿਤਕ ਦੀ ਤਰੱਕੀ ਤੇ ਸਫਲਤਾ ਦੀ ਕਾਮਨਾ ਕਰਦੇ ਹਾਂ"
ਬੰਗਾਲ ਦੀ ਪਾਥਰਾ ਗ੍ਰਾਮ ਪੰਚਾਇਤ ਵਿਚ ਮ੍ਰਿਤਕ ਦੇ ਪਰਿਵਾਰ ਨੂੰ ਮੌਤ ਦਾ ਸਰਟੀਫਿਕੇਟ ਦੇਣ ਸਮੇਂ ਪੰਚਾਇਤ ਮੁਖੀ ਵਲੋਂ ਮ੍ਰਿਤਕ ਦੀ ਖੁਸ਼ਹਾਲੀ ਅਤੇ ਸਫਲਤਾ ਦੀ ਕਾਮਨਾ ਕਰਨ ਕਾਰਨ ਵਿਵਾਦ ਖੜ੍ਹਾ ਹੋ ਗਿਆ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਤਾਰਕਨਾਥ ਡੋਲੋਈ ਦੇ ਪਰਿਵਾਰਕ ਮੈਂਬਰਾਂ ਨੇ ਮੌਤ ਦਾ ਸਰਟੀਫਿਕੇਟ ਲੈਣ ਲਈ ਪੱਛਮੀ ਮਿਦਨਾਪੁਰ ਦੇ ਕੋਟਿਆਲੀ ਥਾਣੇ ਅਧੀਨ ਟੀਐਮਸੀ ਦੀ ਪਾਥਰਾ ਗ੍ਰਾਮ ਪੰਚਾਇਤ ਦੇ ਪੰਚਾਇਤ ਮੁਖੀ ਸਾਰਥੀ ਕੋਲ ਪਹੁੰਚ ਕੀਤੀ।
ਜਦੋਂ ਮ੍ਰਿਤਕ ਦੇ ਵਾਰਸਾਂ ਨੇ ਮੌਤ ਦਾ ਸਰਟੀਫਿਕੇਟ ਦੇਖਿਆ ਤਾਂ ਉਥੇ ਹੰਗਾਮਾ ਹੋ ਗਿਆ। ਸਰਟੀਫਿਕੇਟ ਵਿਚ ਪ੍ਰਧਾਨ ਵਲੋਂ ਮ੍ਰਿਤਕ ਦੀ ਤਰੱਕੀ ਤੇ ਸਫਲਤਾ ਦੀ ਕਾਮਨਾ ਕੀਤੀ ਗਈ ਸੀ।
ਉਕਤ ਸਰਟੀਫਿਕੇਟ ਸੋਸ਼ਲ਼ ਮੀਡੀਆ ਉਤੇ ਵਾਇਰਲ ਹੋ ਰਿਹਾ ਹੈ। ਸਰਟੀਫਿਕੇਟ ਵਿਚ ਇਹ ਲਿਖਿਆ ਹੈ, ‘ ਪ੍ਰਮਾਣਿਤ ਹੈ ਕਿ ਤਾਰਕਨਾਥ ਡੋਲੋਈ ਸਾਡੇ ਪਿੰਡ ਦਾ ਪੱਕਾ ਵਸਨੀਕ ਸੀ। 1 ਜਨਵਰੀ 2022 ਨੂੰ ਉਸਦੀ ਮੌਤ ਹੋ ਗਈ। ਹੁਣ ਉਹ ਮਰ ਚੁੱਕਾ ਹੈ। ਮੈਂ ਉਸ ਵਿਅਕਤੀ ਨੂੰ ਚੰਗੀ ਤਰ੍ਹਾਂ ਜਾਣਦਾ ਹਾਂ। ਮੈਂ ਉਸਦੀ ਮੌਤ ਵਿਚ ਖੁਸ਼ਹਾਲੀ ਤੇ ਸਫਲਤਾ ਦੀ ਕਾਮਨਾ ਕਰਦਾ ਹਾਂ।
