ਸ਼ਰਾਬੀ ਚੂਹਿਆਂ ਨੇ ਥਾਣੇ ‘ਚ ਪੁਲਿਸ ਨੂੰ ਲਲਕਾਰਿਆ, ਪਾਇਆ ਭੜਥੂ , ਪੁਲਿਸ ਵਲੋਂ ਇਕ ਚੂਹਾ ਕਾਬੂ, ਬਾਕੀ ਫ਼ਰਾਰ
ਕੋਤਵਾਲੀ ਥਾਣੇ ‘ਚ ਸ਼ਰਾਬ ਦੀ ਪਾਰਟੀ ਕਰ ਕੇ ਚੂਹਿਆਂ ਨੇ ਦਲੇਰੀ ਨਾਲ ਪੁਲਿਸ ਨੂੰ ਲਲਕਾਰਿਆ। ਇਸ ਤੋਂ ਬਾਅਦ ਪੁਲਿਸ ਨੇ ਜਾਲ ਵਿਛਾ ਕੇ ਇਕ ਚੂਹੇ ਨੂੰ ਕਾਬੂ ਕਰ ਲਿਆ। ਬਾਕੀ ਚੂਹੇ ‘ਫਰਾਰ’ ਹਨ। ਦੱਸ ਦੇਈਏ ਕਿ ਪੁਲਿਸ ਵੱਲੋਂ ਕੀਤੀ ਗਈ ਕਾਰਵਾਈ ਦੌਰਾਨ ਜ਼ਬਤ ਕੀਤੀ ਗਈ ਨਜਾਇਜ਼ ਸ਼ਰਾਬ ਅਤੇ ਸਾਰਾ ਸਮਾਨ ਥਾਣੇ ਦੇ ਸਟੋਰ ਰੂਮ ਵਿੱਚ ਸੁਰੱਖਿਅਤ ਰੱਖਿਆ ਗਿਆ ਹੈ, ਤਾਂ ਜੋ ਇਸ ਨੂੰ ਅਦਾਲਤ ਵਿੱਚ ਸਬੂਤ ਵਜੋਂ ਪੇਸ਼ ਕੀਤਾ ਜਾ ਸਕੇ। ਇਸ ਗੋਦਾਮ ਵਿੱਚ ਦੇਸੀ ਸ਼ਰਾਬ ਦੀਆਂ ਬੋਤਲਾਂ ਵੀ ਰੱਖੀਆਂ ਹੋਈਆਂ ਹਨ। ਚੂਹਿਆਂ ਨੇ 60 ਦੇ ਕਰੀਬ ਸ਼ਰਾਬ ਦੀਆਂ ਬੋਤਲਾਂ ‘ਤੇ ਹੱਲਾ ਬੋਲ ਦਿੱਤਾ। ਇਸ ਦੌਰਾਨ ਕਾਫੀ ਮਾਤਰਾ ‘ਚ ਸ਼ਰਾਬ ਜ਼ਮੀਨ ‘ਤੇ ਡੁੱਲ੍ਹ ਗਈ ਜਿਸਨੂੰ ਚੂਹਿਆਂ ਨੇ ਪੀ ਲਿਆ।
ਪੁਲਿਸ ਨੇ ਚੂਹਿਆਂ ਦੀ ਚੁਣੌਤੀ ਨੂੰ ਸਵੀਕਾਰ ਕਰ ਲਿਆ ਅਤੇ ਉਨ੍ਹਾਂ ਨੂੰ ਫੜਨ ਲਈ ਜਾਲ ਵਿਛਾਇਆ। ਇਸ ਦੌਰਾਨ ਪੁਲਿਸ ਨੇ ਇੱਕ ਚੂਹੇ ਨੂੰ ਪਿੰਜਰੇ ਵਿੱਚ ਕੈਦ ਕਰ ਲਿਆ। ਗੋਦਾਮ ਵਿੱਚ ਸ਼ਰਾਬ ਦੀਆਂ ਬੋਤਲਾਂ ਤੋਂ ਇਲਾਵਾ ਹੋਰ ਜ਼ਬਤ ਕੀਤੇ ਗਏ ਸਾਮਾਨ ਅਤੇ ਜ਼ਰੂਰੀ ਦਸਤਾਵੇਜ਼ ਵੀ ਰੱਖੇ ਹੋਏ ਹਨ। ਉਥੇ ਜ਼ਬਤ ਕੀਤੇ ਗਏ ਗਾਂਜੇ ਨੂੰ ਚੂਹੇ ਵੀ ਖਾ ਰਹੇ ਹਨ। ਚੂਹਿਆਂ ਤੋਂ ਪ੍ਰੇਸ਼ਾਨ ਪੁਲਿਸ ਨੇ ਇਨ੍ਹਾਂ ਨੂੰ ਫੜਨ ਲਈ ਪਿੰਜਰੇ ਵੀ ਲਗਾ ਦਿੱਤੇ ਹਨ। ਕਾਫੀ ਮਿਹਨਤ ਤੋਂ ਬਾਅਦ ਇੱਕ ਚੂਹਾ ਫੜਿਆ ਗਿਆ। ਪੁਲੀਸ ਹੋਰ ਚੂਹਿਆਂ ਦੀ ਭਾਲ ਵਿੱਚ ਲੱਗੀ ਹੋਈ ਹੈ। ਗੋਦਾਮ ‘ਚ ਚੂਹੇ ਲਗਾਤਾਰ ਦਹਿਸ਼ਤ ਪੈਦਾ ਕਰ ਰਹੇ ਹਨ ਅਤੇ ਪੁਲਿਸ ਚਿੰਤਾ ‘ਚ ਹੈ।
ਇਸ ਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਇੱਕ ਚੂਹਾ ਪਿੰਜਰੇ ਦੇ ਅੰਦਰ ਹੈ ਅਤੇ ਉਸ ਨੂੰ ਕੈਦ ਕੀਤਾ ਹੋਇਆ ਹੈ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਤੁਹਾਨੂੰ ਵੀ ਲੱਗੇਗਾ ਕਿ ਉਸ ਨੇ ਕੁਝ ਗਲਤ ਕੀਤਾ ਹੈ। ਚੂਹਾ ਕਾਫੀ ਵੱਡਾ ਦਿਸਦਾ ਹੈ। ਟੀਆਈ ਉਮੇਸ਼ ਗੋਲਹਾਨੀ ਨੇ ਵੀ ਇਸ ਮਾਮਲੇ ਵਿੱਚ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ, ”ਇਹ ਕੋਈ ਨਵੀਂ ਗੱਲ ਨਹੀਂ ਹੈ ਕਿ ਸ਼ਰਾਬ ਦੀਆਂ ਬੋਤਲਾਂ ਨੂੰ ਚੂਹਿਆਂ ਵੱਲੋਂ ਖਰਾਬ ਕੀਤਾ ਜਾ ਰਿਹਾ ਹੈ ਜਾਂ ਫਿਰ ਕੁਝ ਲੋਕ ਵਿਅੰਗਮਈ ਢੰਗ ਨਾਲ ਕਹਿ ਦਿੰਦੇ ਹਨ ਕਿ ਸ਼ਰਾਬ ਚੂਹਿਆਂ ਨੇ ਪੀਤੀ ਹੈ ਕਿਉਂਕਿ ਸਾਡੀ ਪੁਲਿਸ ਦੀ ਇਮਾਰਤ ਵੀ ਪੁਰਾਣੀ ਹੈ, ਜਿਸ ਕਾਰਨ 60-65 ਦੇ ਕਰੀਬ ਪਲਾਸਟਿਕ ਦੀਆਂ ਬੋਤਲਾਂ ਖਰਾਬ ਹੋ ਚੁੱਕੀਆਂ ਹਨ
