ਇੱਕ ਫ਼ਾਇਨਾਂਸਰ ਵਲੋਂ ਫੇਸਬੁੱਕ ਤੇ ਲਾਈਵ ਹੋ ਕੇ ਕੀਤੀ ਆਤਮਹੱਤਿਆ… ਖੁਦਕੁਸ਼ੀ ਕਰਨ ਤੋਂ ਪਹਿਲਾਂ ਉਸਨੇ ਸ਼ਿਲੀ, ਸ਼ੋਂਕੀ, ਰਵੀ ਦੇ ਨਾਮ ਲਏ
ਇੱਕ ਫ਼ਾਇਨਾਂਸਰ ਵਲੋਂ ਫੇਸਬੁੱਕ ਤੇ ਲਾਈਵ ਹੋ ਕੇ ਕੀਤੀ ਆਤਮਹੱਤਿਆ…!
ਇਸ ਸਮੇਂ ਜਲੰਧਰ ਤੋਂ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ, ਇੱਕ 45 ਸਾਲਾ ਵਿਅਕਤੀ ਨੇ ਬੀਤੀ ਰਾਤ ਆਪਣੇ ਫੇਸਬੁੱਕ ‘ਤੇ ਲਾਈਵ ਹੋ ਕੇ ਰੇਲਗੱਡੀ ਅੱਗੇ ਛਾਲ ਮਾਰ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ, ਮ੍ਰਿਤਕ ਵਿਅਕਤੀ ਦੀ ਪਛਾਣ ਗੁਰਜੀਤ ਸਿੰਘ ਉਰਫ਼ ਜੁਗਨੂੰ ਉਮਰ 45 ਸਾਲ ਪੁੱਤਰ ਦਿਲੀਪ ਸਿੰਘ ਵਾਸੀ ਉਜਾਲਾ ਨਗਰ ਬਸਤੀ ਸ਼ੇਖ ਵਜੋਂ ਹੋ ਰਹੀ ਹੈ। ਮਰਨ ਤੋਂ ਪਹਿਲਾਂ, ਗੁਰਜੀਤ ਸਿੰਘ ਉਰਫ਼ ਜੁਗਨੂੰ ਨੇ ਫੇਸਬੁੱਕ ‘ਤੇ ਲਾਈਵ ਹੋ ਕੇ ਗੁਲਾਬੀ ਮੁਹੱਲੇ ਵਿੱਚ ਰਹਿਣ ਵਾਲੇ ਸੁਨੀਲ ਕੁਮਾਰ ਸ਼ਿਲੀ, ਸ਼ੋਂਕੀ, ਰਵੀ ਕੁਮਾਰ ਗਿੱਲ ਦੇ ਨਾਮ ਲੈ ਕੇ ਰੇਲਗੱਡੀ ਅੱਗੇ ਛਾਲ ਮਾਰ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ। ਜੁਗਨੂੰ ਨੇ ਲਾਈਵ ਹੋ ਕੇ ਦੋਸ਼ ਲਗਾਇਆ ਕਿ ਬਸਤੀ ਸ਼ੇਖ ਦੇ ਦਵਿੰਦਰ ਕੁਮਾਰ ਗੋਲਾ ਪਹਿਲਵਾਨ, ਜੋ ਉਸਨੂੰ ਆਪਣੇ ਭਰਾ ਤੋਂ ਵੱਧ ਪਿਆਰ ਕਰਦਾ ਸੀ, ਨੂੰ ਇਹਨਾਂ ਤਿੰਨਾਂ ਲੋਕਾਂ ਨੇ ਦਿਨ-ਰਾਤ ਭੜਕਾਇਆ ਸੀ। ਗੁਰਜੀਤ ਸਿੰਘ ਉਰਫ਼ ਜੁਗਨੂੰ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਸ਼ਿਲੀ, ਸ਼ੋਂਕੀ, ਰਵੀ ਕੁਮਾਰ ਗਿੱਲ ਉਜਾਲਾ ਨਗਰ ਸਥਿਤ ਬਬਲੀ ਦੇ ਘਰ ਜੂਆ ਖੇਡਣ ਲਈ ਬੁਲਾਉਂਦੇ ਸਨ ਜਿਸ ਵਿੱਚ ਉਹ 2 ਲੱਖ ਰੁਪਏ ਤੋਂ ਵੱਧ ਹਾਰ ਗਿਆ। ਧਮਕੀਆਂ ਤੋਂ ਤੰਗ ਆ ਕੇ, ਜੁਗਨੂੰ ਖੁਦਕੁਸ਼ੀ ਕਰਨ ਲਈ ਮਜਬੂਰ ਹੋ ਗਿਆ। ਦੂਜੇ ਪਾਸੇ, ਜੀਆਰਪੀ ਪੁਲਿਸ ਨੇ ਲਾਸ਼ ਨੂੰ ਆਪਣੀ ਹਿਰਾਸਤ ਵਿੱਚ ਲੈ ਲਿਆ, ਪੋਸਟਮਾਰਟਮ ਕਰਵਾਇਆ ਅਤੇ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ।
