ਗੋਲਗੱਪੇ ਖਾਣੇ ਸਭ ਨੂੰ ਖੂਬ ਪਸੰਦ ਹੁੰਦੇ ਹਨ। ਲੋਕ ਬਾਜ਼ਾਰਾਂ ਵਿੱਚ ਵੀ ਇਸ ਚਾਟ ਦਾ ਖੂਬ ਅਨੰਦ ਲੈਂਦੇ ਹਨ। ਵਿਆਹਾਂ ਵਿੱਚ ਵੀ ਗੋਲਗੱਪੇ ਵਾਲੀ ਸਟਾਲ ਉੱਤੇ ਖੂਬ ਭੀੜ ਦੇਖਣ ਨੂੰ ਮਿਲਦੀ ਹੈ। ਪਰ ਨਾਗਪੁਰ ਵਿੱਚ ਇੱਕ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਮੈਡੀਕਲ ਕਾਲਜ ਦੀ 18 ਸਾਲਾ ਬੀਐਸਸੀ ਨਰਸਿੰਗ ਵਿਦਿਆਰਥਣ (Nursing Girl Student) ਦੀ ਮੌਤ ਹੋ ਗਈ। ਉਸ ਨੇ ਦਿਨ ਵੇਲੇ ਪਾਣੀਪੁਰੀ ਯਾਨੀ ਕਿ ਗੋਲਗੱਪੇ ਖਾਏ ਸੀ। ਕੁਝ ਘੰਟਿਆਂ ਬਾਅਦ ਉਸ ਦੀ ਸਿਹਤ ਵਿਗੜ ਗਈ। ਉਸ ਨੂੰ ਗੰਭੀਰ ਹਾਲਤ ‘ਚ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਪਰ ਇਲਾਜ ਦੌਰਾਨ ਉਸ ਨੇ ਦਮ ਤੋੜ ਦਿੱਤਾ।
ਮਰਨ ਵਾਲੀ ਵਿਦਿਆਰਥਣ ਜੰਮੂ-ਕਸ਼ਮੀਰ ਦੇ ਕਠੂਆ ਜ਼ਿਲ੍ਹੇ ਦੀ ਵਸਨੀਕ ਸੀ ਅਤੇ ਇੱਥੇ ਮਰੀਜ਼ਾਂ ਦੀ ਦੇਖ-ਭਾਲ ਕਰ ਕੇ ਕਰੀਅਰ ਬਣਾਉਣ ਦਾ ਸੁਫਨਾ ਦੇਖ ਰਹੀ ਸੀ ਪਰ ਅਣਸੁਖਾਵੀਂ ਘਟਨਾ ਨੇ ਉਸ ਸੁਫਨੇ ਨੂੰ ਤੋੜ ਦਿੱਤਾ।
ਰਿਪੋਰਟ ਮੁਤਾਬਕ ਵਿਦਿਆਰਥਣ ਨੇ ਡਾਕਟਰ ਵੱਲੋਂ ਦੱਸੀ ਦਵਾਈ ਲੈ ਲਈ ਅਤੇ ਨਰਸਿੰਗ ਹੋਸਟਲ ਵਿੱਚ ਆਪਣੇ ਕਮਰੇ ਵਿੱਚ ਵਾਪਸ ਆ ਗਈ। 5 ਜੁਲਾਈ ਨੂੰ ਉਸ ਨੂੰ ਬੁਖਾਰ ਹੋ ਗਿਆ। ਇਸ ਕਾਰਨ ਉਹ ਵਾਪਸ ਓ.ਪੀ.ਡੀ. ਵਿਦਿਆਰਥਣ ਦੀ ਬਿਮਾਰੀ ਦੇ ਲੱਛਣ ਗੈਸਟਰੋ ਦੇ ਸਨ, ਜਿਸ ਦਾ ਇਲਾਜ ਸ਼ੁਰੂ ਕੀਤਾ ਗਿਆ ਸੀ। ਉਸੇ ਦਿਨ ਸ਼ੀਤਲ ਦੀ ਹਾਲਤ ਵਿਗੜ ਗਈ ਅਤੇ ਉਸ ਨੂੰ ਆਈਸੀਯੂ ਵਿੱਚ ਦਾਖਲ ਕਰਵਾਇਆ ਗਿਆ ਪਰ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ।
