50 ਰੁਪਏ ਦੀ ਚੋਰੀ ਦੇ ਦੋਸ਼ ‘ਚ ਟੋਲ ਕਰਮਚਾਰੀ ਦੀ ਬਾਊਂਸਰਾਂ ਵਲੋਂ ਭਾਰੀ ਕੁੱਟਮਾਰ, ਹੋਈ ਮੌਤ , ਵੀਡੀਓ ਵਾਇਰਲ
ਬਿਹਾਰ ਦੇ ਭੋਜਪੁਰ ‘ਚ ਕੁਲਹੜੀਆ ‘ਚ ਟੋਲ ਕਰਮਚਾਰੀ ਦੀ ਸਿਰਫ 50 ਰੁਪਏ ਦੀ ਚੋਰੀ ਦੇ ਦੋਸ਼ ‘ਚ ਬਾਊਂਸਰਾਂ ਨੇ ਇੰਨੀ ਕੁੱਟਮਾਰ ਕੀਤੀ ਕਿ ਉਸ ਦੀ ਮੌਤ ਹੋ ਗਈ। ਮੌਤ ਦੀ ਖਬਰ ਮਿਲਦੇ ਹੀ ਦੋਸ਼ੀ ਬਾਊਂਸਰ ਕੁਲਹੜੀਆ ਟੋਲ ਪਲਾਜ਼ਾ ਤੋਂ ਫਰਾਰ ਹੋ ਗਿਆ। ਹੁਣ ਇਸ ਦਾ ਵੀਡੀਓ ਵੀ ਵਾਇਰਲ ਹੋ ਰਿਹਾ ਹੈ, ਜਿਸ ਤੋਂ ਬਾਅਦ ਇਹ ਸਾਰਾ ਮਾਮਲਾ ਸਾਹਮਣੇ ਆਇਆ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਸੇ ਰਾਖਸ਼ ਦੀ ਤਰ੍ਹਾਂ ਬਾਊਂਸਰ ਉਸ ਨੂੰ ਬੇਰਹਿਮੀ ਨਾਲ ਕੁੱਟ ਰਹੇ ਹਨ।
ਵਾਇਰਲ ਵੀਡੀਓ ਦੇ ਆਧਾਰ ‘ਤੇ ਐੱਸਪੀ ਪ੍ਰਮੋਦ ਕੁਮਾਰ ਨੇ ਟੋਲ ਬਾਊਂਸਰ ਅਤੇ ਹੋਰ ਕਰਮਚਾਰੀਆਂ ਦੇ ਖਿਲਾਫ ਐੱਫਆਈਆਰ ਦਰਜ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਜ਼ਿਕਰਯੋਗ ਹੈ ਕਿ ਕੋਇਲਵਾੜ ਥਾਣਾ ਖੇਤਰ ਦੇ ਆਰਾ-ਪਟਨਾ ਫੋਰਲੇਨ ‘ਤੇ ਕੁਲਹਦੀਆ ਟੋਲ ਪਲਾਜ਼ਾ ‘ਤੇ ਕੰਮ ਕਰ ਰਹੇ ਉੱਤਰ ਪ੍ਰਦੇਸ਼ ਦੇ ਗੋਂਡਾ ਜ਼ਿਲੇ ਦੇ ਮਜ਼ਦੂਰ ਬਲਵੰਤ ਸਿੰਘ ਦੀ ਕੁੱਟਮਾਰ ਦਾ ਵੀਡੀਓ ਵਾਇਰਲ ਹੋਇਆ ਹੈ। ਇਹ ਮਾਮਲਾ ਭਾਜਪਾ ਦੇ ਸੰਸਦ ਮੈਂਬਰ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਨਾਲ ਵੀ ਸਬੰਧਤ ਦੱਸਿਆ ਜਾ ਰਿਹਾ ਹੈ।
ਘਟਨਾ ਦੇ ਸਬੰਧ ਵਿੱਚ ਮਿਲੀ ਜਾਣਕਾਰੀ ਅਨੁਸਾਰ ਟੋਲ ਕਰਮਚਾਰੀ ਦਾ ਨਾਮ ਬਲਵੰਤ ਸੀ, ਜੋ ਯੂਪੀ ਦੇ ਗੋਂਡਾ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ। ਬਲਵੰਤ ਭੋਜਪੁਰ ਦੇ ਕੁਲਹੜੀਆ ਟੋਲ ਪਲਾਜ਼ਾ ‘ਤੇ NHAI ਦਾ ਸੁਪਰਵਾਈਜ਼ਰ ਸੀ। ਉਸ ‘ਤੇ 50 ਰੁਪਏ ਚੋਰੀ ਕਰਨ ਦਾ ਦੋਸ਼ ਸੀ। ਜਿਸ ਤੋਂ ਬਾਅਦ ਟੋਲ ਪਲਾਜ਼ਾ ‘ਤੇ ਕੰਮ ਕਰ ਰਹੇ ਬਾਊਂਸਰ ਉਸ ਨੂੰ ਨੇੜੇ ਦੇ ਹੋਟਲ ਦੀ ਛੱਤ ‘ਤੇ ਲੈ ਗਏ ਅਤੇ ਜਾਨਵਰਾਂ ਵਾਂਗ ਉਸ ਦੀ ਕੁੱਟਮਾਰ ਕੀਤੀ। ਇਸ ਦਾ ਵੀਡੀਓ ਹੁਣ ਵਾਇਰਲ ਹੋ ਰਿਹਾ ਹੈ। ਇਸੇ ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਇਕ ਬਾਊਂਸਰ ਆਪਣੀ ਜੇਬ ‘ਚੋਂ ਪੈਸੇ ਵੀ ਕੱਢ ਰਿਹਾ ਹੈ। ਬਾਊਂਸਰਾਂ ਦੀ ਕੁੱਟਮਾਰ ਤੋਂ ਤੰਗ ਆ ਕੇ ਉਸ ਨੂੰ ਗੋਂਡਾ ਜਾਣ ਵਾਲੀ ਰੇਲਗੱਡੀ ਵਿੱਚ ਬਿਠਾ ਦਿੱਤਾ ਗਿਆ। ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ।
