MP ਸਿਮਰਨਜੀਤ ਮਾਨ ਨੇ ਕਿਹਾ- ਸਿੱਖ 14, 15 ਅਗਸਤ ਨੂੰ ਤਿਰੰਗਾ ਨਹੀਂ ਸਗੋਂ ਕੇਸਰੀ ਨਿਸ਼ਾਨ ਸਾਹਿਬ ਲਹਿਰਾ ਕੇ ਸੈਲਿਊਟ ਦੇਣ
ਕੇਂਦਰ ਸਰਕਾਰ ਦੀ ‘ਹਰ ਘਰ ਤਿਰੰਗਾ ਮੁਹਿੰਮ ‘ਤੇ ਪੰਜਾਬ ਦੇ ਸਾਂਸਦ ਸਿਮਰਨਜੀਤ ਮਾਨ ਨੇ ਕਿਹਾ ਕਿ 14 ਅਤੇ 15 ਅਗਸਤ ਨੂੰ ਸਿੱਖ ਘਰ ਤੇ ਆਫਿਸ ਤਿਰੰਗਾ ਨਹੀਂ ਸਗੋਂ ਕੇਸਰੀ ਨਿਸ਼ਾਨ ਸਾਹਿਬ ਲਗਾਓ। ਮਾਨ ਨੇ ਕਿਹਾ ਕਿ ਸਾਨੂੰ ਨਿਸ਼ਾਨ ਸਾਹਿਬ ਨੂੰ ਲਹਿਰਾ ਕੇ ਸੈਲਿਊਟ ਦੇਣਾ ਹੈ।
ਮਾਨ ਹੁਣੇ ਜਿਹੇ ਸੰਗਰੂਰ ਤੋਂ ਸਾਂਸਦ ਚੁਣੇ ਗਏ ਹਨ। ਉਨ੍ਹਾਂ ਨੇ ਭਗਵੰਤ ਮਾਨ ਦਾ ਗੜ੍ਹ ਕਹੀ ਜਾਣ ਵਾਲੀ ਸੀਟ ‘ਤੇ ਚੋਣ ਜਿੱਤੀ। ਇਥੇ ਉੁਨ੍ਹਾਂ ਨੇ ਮੂਸੇਵਾਲਾ ਦੀ ਵਜ੍ਹਾ ਨਾਲ ਯੂਥ ਦੀ ਆਮ ਆਦਮੀ ਪਾਰਟੀ ਨਾਲ ਨਾਰਾਜ਼ਗੀ ਦਾ ਫਾਇਦਾ ਮਿਲਿਆ।
ਸਾਂਸਦ ਮਾਨ 10 ਨੂੰ ਜੰਤਰ-ਮੰਤਰ ‘ਤੇ ਰੋਸ ਮਾਰਚ ਕਰਨਗੇ। ਬੰਦੀ ਸਿੱਖਾਂ ਦੀ ਰਿਹਾਈ ਲਈ ਇਹ ਮਾਰਚ ਹੋਵੇਗਾ। ਮਾਨ ਦਾ ਦਾਅਵਾ ਹੈ ਕਿ ਕਈ ਸਿੱਖ ਬੰਦੀ ਅਜਿਹੇ ਹਨ ਜਿਨ੍ਹਾਂ ਦੀ ਸਜ਼ਾ ਪੂਰੀ ਹੋ ਚੁੱਕੀ ਹੈ ਪਰ ਉਹ ਹੁਣ ਵੀ ਜੇਲ੍ਹ ਵਿਚ ਹੈ। ਮਾਨ ਨੇ ਸਿੱਖਾਂ ਨੂੰ ਵੀ ਅਪੀਲ ਕੀਤੀ ਕਿ ਬੰਦੀ ਸਿੱਖਾਂ ਦੀ ਰਿਹਾਈ ਲਈ ਦਿੱਲੀ ਜੰਤਰ-ਮੰਤਰ ਪਹੁੰਚੇ।
ਸੰਗਰੂਰ ਤੋਂ ਸਾਂਸਦ ਸਿਰਨਜੀਤ ਮਾਨ ਪਹਿਲਾਂ ਵੀ ਵਿਵਾਦ ਵਿਚ ਫਸ ਚੁੱਕੇ ਹਨ। ਚੋਣ ਜਿੱਤਣ ਦੇ ਬਾਅਦ ਉਹ ਕਰਨਾਲ ਗਏ ਸਨ। ਉਥੇ ਉਨ੍ਹਾਂ ਨੇ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਨੂੰ ਅੱਤਵਾਦੀ ਕਹਿ ਦਿੱਤਾ। ਮਾਨ ਨੇ ਕਿਹਾ ਕਿ ਭਗਤ ਸਿੰਘ ਨੇ ਨੈਸ਼ਨਲ ਅਸੈਂਬਲੀ ਵਿਚ ਬੰਬ ਸੁੱਟਿਆ। ਅੰਗਰੇਜ਼ ਅਫਸਰ ਨੂੰ ਮਾਰਿਆ। ਅਜਿਹੇ ਕਰਨ ਵਾਲੇ ਨੂੰ ਅੱਤਵਾਦੀ ਨਹੀਂ ਕਹਾਂਗੇ ਤਾਂ ਹੋਰ ਕੀ ਕਹਾਂਗੇ।
