ਜਲੰਧਰ, ਐਚ ਐਸ ਚਾਵਲਾ।
ਜਿਲ੍ਹਾ ਜਲੰਧਰ ਦਿਹਾਤੀ ਦੀ ਪੁਲਿਸ ਵੱਲੋ 5 ਗੈਂਗਸਟਰਾਂ ਨੂੰ ਗ੍ਰਿਫਤਾਰ ਕਰਕੇ ਉਹਨਾਂ ਪਾਸੋ 01 ਪਿਸਟਲ ਗਲੋਕ ਸਮੇਤ 03 ਰੌਂਦ ਚੱਲੇ ਤੇ 04 ਰੌਂਦ ਜਿੰਦਾ 02 ਰਿਵਾਲਵਰ 32 ਬੋਰ ਸਮੇਤ 3/3 ਰੌਂਦ ਜਿੰਦਾ ਅਤੇ ਤਿੰਨ ਮੋਟਰਸਾਈਕਲ ਬ੍ਰਾਮਦ ਕਰਕੇ ਵੱਡੀ ਸਫਲਤਾ ਹਾਸਲ ਕੀਤੀ। ਪਕੜੇ ਗਏ ਦੋਸ਼ੀਆਂ ਦੀ ਪਹਿਚਾਣ ਸੰਜੀਵ ਕੁਮਾਰ ਉਰਫ ਨਾਨੂ ਪੁੱਤਰ ਕੁਲਵਿੰਦਰ ਸਿੰਘ ਵਾਸੀ ਪਿੰਡ ਮੱਲੀਆ ਥਾਣਾ ਕਰਤਾਰਪੁਰ ਜਿਲਾ ਜਲੰਧਰ , ਸੰਦੀਪ ਕੁਮਾਰ ਉਰਫ ਸਾਬੀ ਪੁੱਤਰ ਬੂਟਾ ਸਿੰਘ ਵਾਸੀ ਪਿੰਡ ਧੀਰਪੁਰ ਥਾਣਾ ਕਰਤਾਰਪੁਰ ਜਿਲਾ ਜਲੰਧਰ , ਗੁਰਬੀਰ ਸਿੰਘ ਉਰਫ ਗਿੰਨੀ ਪੁੱਤਰ ਮਨਜੀਤ ਸਿੰਘ ਵਾਸੀ ਖੁਰਦਪੁਰ ਥਾਣਾ ਆਦਮਪੁਰ ਜਿਲਾ ਜਲੰਧਰ , ਮਨਪ੍ਰੀਤ ਉਰਫ ਮੰਨ ਪੁੱਤਰ ਕਸ਼ਮੀਰ ਸਿੰਘ ਵਾਸੀ ਪਿੰਡ ਧੁੰਨਕਪੁਰ ਕਲਾ ਥਾਣਾ ਛੇਹਰਟਾ ਅੰਮ੍ਰਿਤਸਰ ਅਤੇ ਲਵਪ੍ਰੀਤ ਸਿੰਘ ਉਰਫ ਚੀਨੀ ਪੁੱਤਰ ਲਖਵਿੰਦਰ ਸਿੰਘ ਪਿੰਡ ਧੁੰਨਕਪੁਰ ਕਲਾ ਥਾਣਾ ਛੇਹਰਟਾ ਅੰਮ੍ਰਿਤਸਰ ਵਜੋਂ ਹੋਈ ਹੈ।
ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਸ਼੍ਰੀ ਸਵਰਨਦੀਪ ਸਿੰਘ , ਪੀ.ਪੀ.ਐਸ.ਸੀਨੀਅਰ ਪੁਲਿਸ ਕਪਤਾਨ , ਜਲੰਧਰ ( ਦਿਹਾਤੀ ) ਜੀ ਵੱਲੋਂ ਦਿੱਤੇ ਗਏ ਦਿਸ਼ਾ ਨਿਰਦੇਸ਼ ਅਨੁਸਾਰ ਜ਼ਿਲ੍ਹਾ ਜਲੰਧਰ ਦਿਹਾਤੀ ਦੀ ਪੁਲਿਸ ਅਤੇ ਦਿੱਲੀ ਪੁਲਿਸ ਵਲੋਂ ਕੀਤੇ ਜੁਆਇੰਟ ਆਪ੍ਰੇਸ਼ਨ ਤਹਿਤ ਗੈਂਗਸਟਰਾਂ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿੰਮ ਤਹਿਤ ਸ੍ਰੀ ਸਰਬਜੀਤ ਸਿੰਘ ਬਾਹੀਆ ਪੀ.ਪੀ.ਐਸ, ਪੁਲਿਸ ਕਪਤਾਨ ( ਇੰਨਵੈਸਟੀਗੇਸ਼ਨ ) ਅਤੇ ਸ਼੍ਰੀ ਸਰਬਜੀਤ ਰਾਏ ਉਪ ਪੁਲਿਸ ਕਪਤਾਨ , ਸਬ – ਡਵੀਜਨ ਆਦਮਪੁਰ ਦੀ ਯੋਗ ਅਗਵਾਈ ਹੇਠ ਇੰਸਪੈਕਟਰ ਸੁਰਿੰਦਰ ਕੁਮਾਰ ਮੁੱਖ ਅਫਸਰ ਥਾਣਾ ਫਿਲੌਰ ਵੱਲੋਂ ਮੁ : ਨੰ 315/22 ਅ / ਧ 392,379 – ਬੀ , BLd 25/27/54/59 ਅਸਲਾ ਐਕਟ ਥਾਣਾ ਫਿਲੋਰ ਜਿਲ੍ਹਾ ਜਲੰਧਰ ਦਿਹਾਤੀ ਦੀ ਤਫਤੀਸ਼ ਦੇ ਸਬੰਧ ਵਿੱਚ ਇੰਸਪੈਕਟਰ ਸੁਰਿੰਦਰ ਕੁਮਾਰ ਨੂੰ ਖੁਫੀਆ ਇਤਲਾਹ ਮਿਲੀ ਸੀ ਕਿ ਤੁਹਾਡੇ ਮੁਕੱਦਮੇ ਦੇ ਲੋੜੀਂਦੇ ਦੋਸ਼ੀ ਅਤੇ ਦਿੱਲੀ ਪੁਲਿਸ ਜਿਹੜੇ 02 ਬੰਦਿਆ ਨੂੰ ਲੱਭਦੀ ਫਿਰਦੀ ਹੈ । ਉਹ ਇਸ ਸਮੇਂ ਭੋਗਪੁਰ ਤੋ ਆਦਮਪੁਰ ਰੋਡ ਪਰ ਐਚ.ਪੀ ਪੈਟਰੋਲ ਪੰਪ ਪਿੰਡ ਚੱਕ ਝੰਡੂ ਦੀ ਬੈਕ ਸਾਈਡ ਤੇ ਇੱਕ ਕੋਠੀ ਨੂਮਾ ਮਕਾਨ ਬਣਿਆ ਹੋਇਆ ਹੈ, ਉਸ ਵਿੱਚ ਰਹਿ ਰਹੇ ਹਨ।
ਇੰਸਪੈਕਟਰ ਸੁਰਿੰਦਰ ਕੁਮਾਰ ਮੁੱਖ ਅਫਸਰ ਥਾਣਾ ਫਿਲੌਰ ਨੇ ਦਿੱਲੀ ਪੁਲਿਸ ਨਾਲ ਵੀ ਤਾਲਮੇਲ ਕੀਤਾ ਜੋ ਦਿੱਲੀ ਪੁਲਿਸ ਵੀ ਸਮੇਂ ਸਿਰ ਪਹੁੰਚ ਗਈ ਤੇ ਕੋਠੀ ਦਾ ਕਾਰਡਨ ਕਰਕੇ ਜੁਆਇੰਟ ਆਪ੍ਰੇਸ਼ਨ ਕਰਕੇ ਦਿੱਲੀ ਅਤੇ ਪੰਜਾਬ ਪੁਲਿਸ ਜਲੰਧਰ ਨੇ ਰੇਡ ਕੀਤਾ ਤਾਂ ਮਕਾਨ ਵਿੱਚੋਂ 06 ਬੰਦੇ ਬੈਕ ਸਾਈਡ ਤੋਂ ਬਣੇ ਰਸਤੇ ਤੋਂ ਫਾਇਰ ਕਰਦੇ ਹੋਏ ਕਮਾਦ ਦੇ ਖੇਤਾ ਵਿੱਚ ਵੜ ਗਏ ਤੇ ਅੱਗੋਂ ਪੁਲਿਸ ਵਲੋਂ ਵੀ ਕਰਾਸ ਫਾਇੰਰਿੰਗ ਕੀਤੀ ਗਈ । ਉਦੋਂ ਤੋ ਇੰਸਪੈਕਟਰ ਸੁਰਿੰਦਰ ਕੁਮਾਰ ਮੁੱਖ ਅਫਸਰ ਥਾਣਾ ਫਿਲੋਰ ਨੇ ਹੋਰ ਪੁਲਿਸ ਫੋਰਸ ਮੰਗਵਾਉਣ ਲਈ ਸੀਨੀਅਰ ਅਫਸਰਾਂ ਨਾਲ ਤਾਲਮੇਲ ਕੀਤਾ ਤੇ ਆਪਣੀ ਫੋਰਸ ਨਾਲ ਸਾਥੀਆ ਨਾਲ ਕਮਾਦ ਦੇ ਖੇਤਾ ਦੀ ਸਰਚ ਸ਼ੁਰੂ ਕੀਤੀ । ਥੋੜੀ ਦੇਰ ਬਾਅਦ ਹੋਰ ਪੁਲਿਸ ਫੋਰਸ ਵੱਖ – ਵੱਖ ਥਾਣਿਆ , ਸੀ.ਆਈ.ਏ ਸਟਾਫ ਅਤੇ ਹੋਰ ਮੁਖ ਅਫਸਰਾ ਪਾਸੋ ਫੋਰਸ ਪਹੁੰਚਣ ਤੇ ਡਰੋਨ , ਰੱਸੇ , ਦੂਰਬੀਨਾ ਦੀ ਮਦਦ ਨਾਲ 05 ਬੰਦਿਆ ਨੂੰ ਰਾਉਂਡ ਅੱਪ ਕੀਤਾ।
ਮੁੱਢਲੀ ਤਫਤੀਸ਼ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਉਪਰੋਕਤ ਇਹ ਗੈਂਗ ਲਖਬੀਰ ਸਿੰਘ ਲੰਡਾ ਗੈਂਗ , ਜੋ ਕਿ ਵਿਦੇਸ਼ ਤੋਂ ਆਪਣਾ ਗੈਂਗ ਚਲਾ ਰਿਹਾ ਹੈ , ਨਾਲ ਸਬੰਧਤ ਹਨ , ਜਿਹਨਾਂ ਦਾ ਵੇਰਵਾ ਹੇਠ ਲਿਖੇ ਅਨੁਸਾਰ ਹੈ । ਇਹਨਾਂ ਦਾ ਇੱਕ ਸਾਥੀ ਹੋਰ ਵੀ ਛੁਪਿਆ ਹੋਇਆ ਹੈ। ਜਿਸ ਦੀ ਸਰਚ ਜਾਰੀ ਹੈ।
ਦੋਸ਼ੀਆਂ ਦੇ ਖਿਲਾਫ ਮੁ : ਨੰ 137 ਮਿਤੀ 1.11.22 ਅ / ਧ 307,353,186,148,149 ਭ : ਦ 25/27/54/59 ਅਸਲਾ ਐਕਟ ਥਾਣਾ ਭੋਗਪੁਰ ਜਿਲ੍ਹਾ ਜਲੰਧਰ ਰਜਿਸਟਰ ਕੀਤਾ ਗਿਆ ਹੈ।
