
Will the Congress party contest the 2027 elections without a Chief Ministerial face? Internal factionalism persists; a major erosion of support could occur
ਕਾਂਗਰਸ 2027 ਚੋਣਾਂ ਬਿਨਾਂ ਮੁੱਖ ਮੰਤਰੀ ਚਿਹਰਾ ਹੀ ਲੜੇਗੀ? ਧੜੇਬੰਦੀ ‘ਤੇ ਲਗਾਮ, ਲੇਕਿਨ ਅੰਦਰਖਾਤੇ ਜਾਰੀ
ਜਲੰਧਰ /ਮਨਜੋਤ ਚਾਹਲ
ਪੰਜਾਬ ਵਿਧਾਨ ਸਭਾ ਚੋਣਾਂ ਵਿੱਚ ਹੁਣ ਕੁੱਝ ਹੀ ਸਮਾਂ ਬਾਕੀ ਰਹਿ ਗਿਆ ਹੈ। ਸਾਰੀਆਂ ਪਾਰਟੀਆਂ ਨੇ ਆਪਣੇ ਕਮਰ-ਕਸੇ ਕੱਸ ਲਏ ਹਨ ਅਤੇ ਵੋਟਰਾਂ ‘ਚ ਆਪਣੀ ਆਮਦ ਵਧਾ ਦਿੱਤੀ ਹੈ। ਪੰਜਾਬ ਦੀਆਂ ਮੁੱਖ ਸਿਆਸੀ ਧਿਰਾਂ ਦੇ ਮੁੱਖ ਮੰਤਰੀ ਦੇ ਚਿਹਰੇ ਲਗਭਗ ਸਾਫ਼ ਵਿਖਾਈ ਵੀ ਦੇ ਰਹੇ ਹਨ, ਪਰੰਤੂ ਸਭ ਤੋਂ ਵੱਧ ਸਸਪੈਂਸ ਪੰਜਾਬ ਵਿਧਾਨ ਸਭਾ ਵਿੱਚ ਮੁੱਖ ਵਿਰੋਧੀ ਧਿਰ ਨੂੰ ਲੈ ਕੇ ਬਣਿਆ ਹੋਇਆ ਹੈ, ਕਿ ਕੀ ਕਾਂਗਰਸ, ਇਸ ਵਾਰ ਦੀਆਂ ਚੋਣਾਂ ਬਿਨਾਂ ਮੁੱਖ ਮੰਤਰੀ ਦਾ ਚਿਹਰਾ ਐਲਾਨ ਕੀਤੇ ਬਣੇਗੀ।
ਇਹ ਸਵਾਲ ਇਸ ਲਈ ਉਠਿਆ ਹੈ ਕਿਉਂਕਿ ਕਾਂਗਰਸ ਹਾਈਕਮਾਂਡ ਵੱਲੋਂ ਇਸ ਵਾਰ ਇੱਕ ਅਜਿਹੇ ਆਗੂ ਨੂੰ ਪੰਜਾਬ ਦਾ ਪ੍ਰਧਾਨ ਲਾਇਆ ਹੈ, ਜਿਸ ਬਾਰੇ ਸਿਆਸੀ ਸਫਾਂ ਵਿੱਚ ਵਿਰੋਧੀ ਧਿਰਾਂ ਨੇ ਵੀ ਧਿਆਨ ਨਹੀਂ ਦਿੱਤਾ। ਸਾਫ਼-ਸੁਥਰੀ ਛਵੀ ਵਾਲੇ ਪਰਗਟ ਸਿੰਘ (Pargat Singh) ਨੂੰ ਪੰਜਾਬ ਕਾਂਗਰਸ ਦਾ ਪ੍ਰਧਾਨ ਲਾਉਣਾ ਵਿਧਾਨ ਸਭਾ ਚੋਣਾਂ ਵਿੱਚ ਪਾਰਟੀ ਦਾ ਲੀਡਰ ਬਣਾਉਣਾ ਇੱਕ ਵੱਡਾ ਦਾਅ ਹੈ।
ਵਿਧਾਨ ਸਭਾ ਚੋਣਾਂ (Punjab Assembly Election 2027) ਨੇੜੇ ਆਉਂਦਿਆਂ ਹੀ ਮੁੱਖ ਮੰਤਰੀ (Chief Minister) ਚਿਹਰੇ ਦੀ ਦੌੜ ਵੀ ਹਮੇਸ਼ਾ ਕਾਂਗਰਸ ਲਈ ਮੁਸ਼ਕਿਲਾਂ ਪੈਦਾ ਕਰਦੀ ਰਹੀ ਹੈ, ਕਿਉਂਕਿ ਵਿਰੋਧੀ ਧਿਰਾਂ ਵੱਲੋਂ ਹਮੇਸ਼ਾ ਹੀ ਇਹ ਇਲਜ਼ਾਮ ਲਾਇਆ ਜਾਂਦਾ ਹੈ ਕਿ ਕਾਂਗਰਸ ‘ਚ ਹਰ ਲੀਡਰ ਹੀ ਮੁੱਖ ਮੰਤਰੀ ਹੈ, ਵਰਕਰ ਨਹੀਂ ਰਹੇ ਹਨ।
ਜਲੰਧਰ ਕੈਂਟ ਤੋਂ ਕਾਂਗਰਸੀ ਵਿਧਾਇਕ ਪਰਗਟ ਸਿੰਘ, ਪਹਿਲਾਂ ਪੰਜਾਬ ਦੇ ਜਨਰਲ ਸਕੱਤਰ ਵੀ ਰਹੇ ਹਨ ਅਤੇ ਚਰਨਜੀਤ ਸਿੰਘ ਚੰਨੀ ਸਰਕਾਰ ‘ਚ ਕੈਬਨਿਟ ਮੰਤਰੀ ਦੀ ਭੂਮਿਕਾ ਵੀ ਨਿਭਾਅ ਚੁੱਕੇ ਹਨ। ਪਰਗਟ ਸਿੰਘ ‘ਤੇ ਹਾਈਕਮਾਂਡ ਦੇ ਭਰੋਸੇ ਨੇ ਪਿਛਲੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੇ ਸਮੇਂ ਪਾਰਟੀ ‘ਚ ਵਧੇ ਕਲੇਸ਼ ‘ਤੇ ਵੀ ਇੱਕ ਤਰ੍ਹਾਂ ਨਾਲ ਲਗਾਮ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਹੈ, ਜੋ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਪਾਰਟੀ ਦੀ ਇੱਕਜੁਟਤਾ ਲਈ ਲਾਜ਼ਮੀ ਵੀ ਸੀ, ਕਿਉਂਕਿ ਪਾਰਟੀ ਦੇ ਵੱਡੇ ਲੀਡਰਾਂ ਦੇ ਕਲੇਸ਼ ਕਾਰਨ ਹੇਠਲੇ ਪੱਧਰ ‘ਤੇ ਵਰਕਰਾਂ ਵਿੱਚ ਵੀ ਭੰਬਲਭੂਸੇ ਵਾਲੀ ਸਥਿਤੀ ਪੈਦਾ ਹੁੰਦੀ ਜਾ ਰਹੀ ਸੀ।
ਪਰਗਟ ਸਿੰਘ ਮੀਡੀਆ ਨੂੰ ਖੁਦ ਕਹਿ ਚੁੱਕੇ ਹਨ ਕਿ ਉਹ ਮੁੱਖ ਮੰਤਰੀ ਬਣਨ ਦੇ ਚਾਹਵਾਨ ਨਹੀਂ ਹਨ। ਉਨ੍ਹਾਂ ਸਪੱਸ਼ਟ ਕਿਹਾ ਸੀ ਕਿ ਕੋਈ ਵੀ ਵਿਅਕਤੀ ਚੋਣ ਜਿੱਤੇਗਾ, ਤਾਂ ਉਦੋਂ ਮੁੱਖ ਮੰਤਰੀ ਚੁਣਿਆ ਜਾਵੇਗਾ, ਜਿਸ ਵਿੱਚ ਵਿਧਾਇਕ ਅਤੇ ਆਬਜ਼ਰਵਰ ਵੀ ਹੋਣਗੇ ਅਤੇ ਉਹ ਕਿਸੇ ਨੂੰ ਵੀ ਸੁਤੰਤਰ ਰੂਪ ਵਿੱਚ ਚੁਣ ਸਕਦੇ ਹਨ। ਉਨ੍ਹਾਂ ਕਿਹਾ ਸੀ, ”ਮੈਂ ਮੁੱਖ ਮੰਤਰੀ ਬਣਨ ਦਾ ਬਿਲਕੁਲ ਚਾਹਵਾਨ ਨਹੀਂ ਹਾਂ। ਪਾਰਟੀ ਨੇ ਜੇਕਰ ਮੈਨੂੰ ਪ੍ਰਧਾਨ ਬਣਾ ਦਿੱਤਾ, ਮੈਨੂੰ ਇਹ ਡੈਸਟਿਨੀ ਲੱਗਦੀ ਹੈ, ਜਿਥੋਂ ਮੈਂ ਤੁਰਿਆ। ਮੈਂ ਇਹ ਆਸ ਹੀ ਨਹੀਂ ਰੱਖੀ, ਮੈਂ ਇਸ ਲੈਵਲ ਤੱਕ ਪਹੁੰਚ ਜਾਵਾਂ।”
ਇਸੇ ਸਿਧਾਂਤ ‘ਤੇ ਕੈਪਟਨ ਅਮਰਿੰਦਰ ਸਿੰਘ ਦੋ ਵਾਰ 2002 ਅਤੇ 2017 ਵਿੱਚ ਪ੍ਰਧਾਨ ਰਹਿੰਦੇ ਹੋਏ ਮੁੱਖ ਮੰਤਰੀ ਬਣੇ ਸਨ। ਪਰੰਤੂ 2022 ਦੀਆਂ ਚੋਣਾਂ ‘ਚ ਕਾਂਗਰਸ ਨੇ ਇਸ ਮਿੱਥ ਨੂੰ ਤੋੜ ਦਿੱਤਾ ਸੀ, ਜਦੋਂ 2021 ਵਿੱਚ ਨਵਜੋਤ ਸਿੰਘ ਸਿੱਧੂ ਪ੍ਰਧਾਨ ਬਣਾਏ ਗਏ ਸਨ ਅਤੇ ਚਰਨਜੀਤ ਸਿੰਘ ਚੰਨੀ ਨੂੰ ਮੁੱਖ ਮੰਤਰੀ ਦੇ ਚਿਹਰੇ ਵੱਜੋਂ ਐਲਾਨ ਕੀਤਾ ਗਿਆ ਸੀ। ਹਾਲਾਂਕਿ, ਕਾਂਗਰਸ, ਇਹ ਚੋਣਾਂ ਹਾਰ ਗਈ ਸੀ ਅਤੇ ਵਿਧਾਨ ਸਭਾ ‘ਚ ਵਿਰੋਧੀ ਧਿਰ ਵੱਜੋਂ ਸਥਾਪਤ ਹੋਈ।
ਧੜੇਬੰਦੀ ‘ਤੇ ਲਗਾਮ, ਪਰ ਅੰਦਰਖਾਤੇ ਜਾਰੀ
ਫਿਲਹਾਲ, ਨਵੇਂ ਪ੍ਰਧਾਨ ਦੇ ਆਉਣ ਪਿੱਛੋਂ ਕਾਂਗਰਸ ‘ਚ ਲੀਡਰਾਂ ਦੀ ਮੁੱਖ ਮੰਤਰੀ ਦੀ ਇੱਛਾ ਵੀ ਇੱਕ ਵਾਰ ਲਈ ਤਾਂ ਠੱਲ੍ਹੀ ਗਈ ਹੈ। ਨਾਲ ਹੀ, ਕਾਂਗਰਸ ‘ਚ ਧੜੇਬੰਦੀ ਭਾਵੇਂ ਉਭਰ ਕੇ ਵਿਖਾਈ ਤਾਂ ਨਹੀਂ ਵਿਖਾਈ ਦੇ ਰਹੀ, ਪਰ ਚਰਨਜੀਤ ਸਿੰਘ ਚੰਨੀ ਦੀ ਸਾਈਕਲ ਯਾਤਰਾ ਅਤੇ ਉਸ ਦੇ ਬਰਾਬਰ ਹੁਣ ਸਾਬਕਾ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵੱਲੋਂ ਸ਼ੁਰੂ ਕੀਤੀ ਆਪਣੀ ਵੱਖਰੀ ਯਾਤਰਾ ਇਸ ਨੂੰ ਅੰਦਰਖਾਤੇ ਜ਼ਰੂਰ ਬਲ ਦਿੰਦੀ ਨਜ਼ਰੀਂ ਪੈਂਦੀ ਹੈ।
ਕਾਂਗਰਸ ਵੱਲੋਂ ਹੁਣ 2027 ਦੀਆਂ ਵਿਧਾਨ ਸਭਾ ਚੋਣਾਂ ਲਈ ਪਰਗਟ ਸਿੰਘ ਨੂੰ ਪ੍ਰਧਾਨ ਤਾਂ ਐਲਾਨ ਦਿੱਤਾ ਹੈ, ਪਰ ਮੁੱਖ ਮੰਤਰੀ ਦੇ ਚਿਹਰੇ ਵੱਜੋਂ ਐਲਾਨ ਨਹੀਂ ਕੀਤਾ ਗਿਆ, ਜਿਸ ਨੂੰ ਲੈ ਕੇ ਵੀ ਵੱਖ-ਵੱਖ ਤਰ੍ਹਾਂ ਦੀਆਂ ਚਰਚਾਵਾਂ ਹਨ। ਕਿਉਂਕਿ ਕਈ ਸਿਆਸੀ ਮਾਹਰਾਂ ਦਾ ਮੰਨਣਾ ਹੈ ਕਿ ਜੇਕਰ ਕਾਂਗਰਸ ਇਨ੍ਹਾਂ ਚੋਣਾਂ ਵਿੱਚ ਮੁੱਖ ਮੰਤਰੀ ਦੇ ਚਿਹਰੇ ਦਾ ਐਲਾਨ ਕਰਦੀ ਹੈ ਤਾਂ ਉਸ ਨੂੰ ਵੱਡਾ ਲਾਭ ਮਿਲ ਸਕਦਾ ਹੈ।












