ਬਜ਼ੁਰਗ ਔਰਤ ਨੇ 100ਵੇਂ ਜਨਮ ਦਿਨ ‘ਤੇ ਆਪਣੀ ਇੱਛਾ ਕਿ ਪੂਰੀ ਕਰਨ ਲਈ ਬੁਲਾਈ ਪੁਲਿਸ

ਇੱਕ ਬਜ਼ੁਰਗ ਔਰਤ ਨੇ ਆਪਣਾ ਸੌਵਾਂ ਜਨਮ ਦਿਨ ਇਸ ਤਰ੍ਹਾਂ ਮਨਾਇਆ ਕਿ ਲੋਕ ਦੰਗ ਰਹਿ ਗਏ। ਜਸ਼ਨ ਆਮ ਸੀ, ਪਰ ਮਰਨ ਤੋਂ ਪਹਿਲਾਂ ਸੁਪਨਿਆਂ ਦੀ ਸੂਚੀ ਅਜਿਹੀ ਸੀ ਜੋ ਲੋਕਾਂ ਨੂੰ ਸਿਰ ਫੜਨ ਲਈ ਮਜਬੂਰ ਕਰ ਦਿੰਦੀ ਸੀ।

ਆਸਟ੍ਰੇਲੀਆ ‘ਚ ਮਹਿਲਾ ਦੇ ਸੌਵੀਂ ਜਨਮ ਦਿਨ ਦੇ ਜਸ਼ਨ ‘ਤੇ ਜਦੋਂ ਪੁਲਿਸ ਅਧਿਕਾਰੀ ਉਸ ਨੂੰ ਗ੍ਰਿਫਤਾਰ ਕਰਨ ਪਹੁੰਚੇ ਤਾਂ ਰੰਗ ਵਿੱਚ ਭੰਗ ਪੈ ਗਈ। ਇਸ ਘਟਨਾ ਤੋਂ ਬਾਕੀ ਲੋਕ ਨਾਰਾਜ਼ ਅਤੇ ਸਹਿਮੇ ਹੋਏ ਸਨ। ਇਸ ਦੇ ਨਾਲ ਹੀ ਬਜ਼ੁਰਗ ਔਰਤ ਨੇ ਬਿਨਾਂ ਕਿਸੇ ਵਿਰੋਧ ਦੇ ਖੁਸ਼ੀ-ਖੁਸ਼ੀ ਜੇਲ੍ਹ ਜਾਣ ਲਈ ਹਾਮੀ ਭਰ ਦਿੱਤੀ। ਇਸ ਦੇ ਪਿੱਛੇ ਦਾ ਕਾਰਨ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ।

ਮਰਨ ਤੋਂ ਪਹਿਲਾਂ ਜੇਲ੍ਹ ਦੀ ਹਵਾ ਖਾਣ ਦਾ ਸੁਪਨਾ ਸੀ- ਜਦੋਂ ਬਜ਼ੁਰਗ ਔਰਤ ਆਪਣੇ ਸੌਵੇਂ ਜਨਮ ਦਿਨ ਦਾ ਕੇਕ ਕੱਟ ਰਹੀ ਸੀ ਤਾਂ ਵਰਦੀਧਾਰੀ ਵਿਅਕਤੀ ਘਰ ‘ਚ ਦਾਖ਼ਲ ਹੋਏ ਅਤੇ ਔਰਤ ਨੂੰ ਗ੍ਰਿਫ਼ਤਾਰ ਕਰਕੇ ਜੇਲ੍ਹ ਭੇਜ ਦਿੱਤਾ। ਲੋਕ ਇਕਦਮ ਡਰ ਗਏ ਕਿ ਇਸ ਉਮਰ ਵਿੱਚ ਅਜਿਹੀ ਕੀ ਗਲਤੀ ਕੀਤੀ ਸੀ ਕਿ ਪੁਲਿਸ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰਨ ਆਈ। ਇਸ ਗੱਲ ਦਾ ਖੁਲਾਸਾ ਖੁਦ ਬਜ਼ੁਰਗ ਔਰਤ ਨੇ ਕੀਤਾ ਹੈ। ਉਸ ਨੇ ਖੁਦ ਹੀ ਆਪਣੀ ਗ੍ਰਿਫਤਾਰੀ ਦਾ ਇੰਤਜ਼ਾਮ ਕੀਤਾ ਸੀ ਅਤੇ ਪੁਲਿਸ ਵਾਲਿਆਂ ਨੂੰ ਬੁਲਾਇਆ ਸੀ। ਇਸ ਅਜੀਬ ਸੱਦੇ ਦੇ ਪਿੱਛੇ ਦੀ ਸੱਚਾਈ ਹੈਰਾਨ ਕਰਨ ਵਾਲੀ ਸੀ। ਔਰਤ ਹੁਣ ਆਪਣੇ ਬਹੁਤ ਚਿਰ ਤੋਂ ਉਡੀਕੇ ਸੁਪਨੇ ਨੂੰ ਪੂਰਾ ਕਰਨ ਲਈ ਆਪਣੇ ਆਪ ਨੂੰ ਪੁਲਿਸ ਦੇ ਹਵਾਲੇ ਕਰਨਾ ਚਾਹੁੰਦੀ ਹੈ। ਮੌਤ ਤੋਂ ਪਹਿਲਾਂ ਇੱਕ ਵਾਰ ਜੇਲ੍ਹ ਜਾਣਾ ਉਸਦਾ ਆਖਰੀ ਸੁਪਨਾ ਸੀ। ਵਿਕਟੋਰੀਆ ਪੁਲਿਸ ਨੇ ਆਪਣੀ ਅਧਿਕਾਰਤ ਸੋਸ਼ਲ ਸਾਈਟ ‘ਤੇ ਵੀ ਇਸ ਘਟਨਾ ਦਾ ਜ਼ਿਕਰ ਕੀਤਾ ਹੈ।

ਸੌਵੇਂ ਜਨਮ ਦਿਨ ‘ਤੇ ਗ੍ਰਿਫਤਾਰ ਹੋ ਕੇ ਸਭ ਤੋਂ ਵੱਡਾ ਸੁਪਨਾ ਪੂਰਾ ਕੀਤਾ- ਬਜ਼ੁਰਗ ਔਰਤ ਨੇ ਦੱਸਿਆ ਕਿ ਉਸ ਦੀ ਟੂ-ਡੂ ਲਿਸਟ, ਜੋ ਕਿ ਉਸ ਨੇ ਆਪਣੇ ਜੀਵਨ ਕਾਲ ਵਿੱਚ ਕੀ-ਕੀ ਕਰਨਾ ਸੀ, ਉਸ ਦਾ ਸੁਪਨਾ ਸੀ ਕਿ ਮਰਨ ਤੋਂ ਪਹਿਲਾਂ ਇੱਕ ਵਾਰ ਗ੍ਰਿਫਤਾਰ ਕੀਤਾ ਜਾਵੇ ਅਤੇ ਜੇਲ੍ਹ ਦਾ ਤਜਰਬਾ ਵੀ ਕੀਤਾ ਜਾਵੇ। ਬਸ ਇਸ ਸੁਪਨੇ ਲਈ ਉਸ ਨੇ ਪੁਲਿਸ ਵਾਲਿਆਂ ਨੂੰ ਫ਼ੋਨ ਕਰ ਕੇ ਆਪਣੇ ਆਪ ਨੂੰ ਗ੍ਰਿਫ਼ਤਾਰ ਕਰਵਾ ਲਿਆ ਅਤੇ ਉਹ ਵੀ ਖ਼ੁਸ਼ੀ-ਖ਼ੁਸ਼ੀ ਉਸ ਦੀ ਗੱਲ ਮੰਨ ਗਏ। ਹਰ ਕਿਸੇ ਦੀ ਜ਼ਿੰਦਗੀ ਵਿੱਚ ਕਈ ਸੁਪਨੇ ਹੁੰਦੇ ਹਨ। ਕੁਝ ਸੁਪਨੇ ਪੂਰੇ ਹੁੰਦੇ ਹਨ ਤੇ ਕੁਝ ਅਧੂਰੇ ਰਹਿ ਜਾਂਦੇ ਹਨ।