ਰਿਸ਼ਵਤ ਲੈਣ ਦੇ ਦੋਸ਼ ‘ਚ ਭ੍ਰਿਸ਼ਟ DSP ਨੂੰ ਡਿਮੋਟ ਕਰਕੇ ਬਣਾਇਆ ਸਿਪਾਹੀ
ਦਰਅਸਲ, ਰਾਮਪੁਰ ਸਦਰ ਦੇ ਤਤਕਾਲੀ ਸਰਕਲ ਅਫ਼ਸਰ/ਡਿਪਟੀ ਸੁਪਰਡੈਂਟ ਵਿਦਿਆ ਕਿਸ਼ੋਰ ਸ਼ਰਮਾ ਨੂੰ ਰਿਸ਼ਵਤ ਲੈਣ ਦੇ ਦੋਸ਼ਾਂ ਤਹਿਤ ਉਸ ਦੇ ਅਹੁਦੇ ਤੋਂ ਵਾਪਸ ਭੇਜ ਦਿੱਤਾ ਗਿਆ ਹੈ।
ਜਾਂਚ ਤੋਂ ਬਾਅਦ ਦੋਸ਼ ਸਹੀ ਪਾਏ ਜਾਣ ਉਤੇ ਕਾਰਵਾਈ ਕੀਤੀ ਗਈ ਹੈ। ਵਿਦਿਆ ਕਿਸ਼ੋਰ ਸ਼ਰਮਾ ਦੀ ਨਿਯੁਕਤੀ ਯੂਪੀ ਪੁਲਿਸ ‘ਚ ਕਾਂਸਟੇਬਲ ਦੇ ਅਹੁਦੇ ‘ਤੇ ਹੋਈ ਸੀ, ਤਰੱਕੀ ਮਿਲਣ ਤੋਂ ਬਾਅਦ ਉਨ੍ਹਾਂ ਨੂੰ ਡੀਐੱਸਪੀ ਦੇ ਅਹੁਦੇ ਉਤੇ ਪਹੁੰਚ ਗਿਆ ਸੀ।
ਇਹ ਸੀ ਸਾਰਾ ਮਾਮਲਾ
ਦੱਸਣਯੋਗ ਹੈ ਕਿ ਇਕ ਸਾਲ ਪਹਿਲਾਂ ਵਿਦਿਆ ਕਿਸ਼ੋਰ ਸ਼ਰਮਾ ਉਤੇ ਭ੍ਰਿਸ਼ਟਾਚਾਰ ਦੇ ਕਈ ਇਲਜ਼ਾਮ ਲੱਗੇ ਸਨ। ਇੰਨਾ ਹੀ ਨਹੀਂ, ਮੁੱਖ ਮੰਤਰੀ ਦੀ ਜਨ ਸਭਾ ਤੋਂ ਪਹਿਲਾਂ ਰਾਮਪੁਰ ‘ਚ ਇਕ ਔਰਤ ਨੇ ਆਤਮਦਾਹ ਕਰਨ ਦੀ ਚਿਤਾਵਨੀ ਦਿੱਤੀ ਸੀ।
ਔਰਤ ਨੇ ਦੋਸ਼ ਲਾਇਆ ਕਿ ਸਵਾਮੀ ਵਿਵੇਕਾਨੰਦ ਹਸਪਤਾਲ ਦੇ ਸੰਚਾਲਕ ਵਿਨੋਦ ਯਾਦਵ ਅਤੇ ਤਤਕਾਲੀ ਇੰਸਪੈਕਟਰ ਗੰਜ ਰਾਮਵੀਰ ਯਾਦਵ ਨੇ ਉਸ ਨਾਲ ਸਮੂਹਿਕ ਬਲਾਤਕਾਰ ਕੀਤਾ। ਇਸ ਸਬੰਧੀ ਪੁਲਿਸ ਨੇ ਕੋਈ ਕਾਰਵਾਈ ਨਹੀਂ ਕੀਤੀ। ਜਿਸ ਤੋਂ ਬਾਅਦ ਇਸ ਮਾਮਲੇ ਵਿੱਚ ਸੀਓ ਵਿਦਿਆ ਕਿਸ਼ੋਰ ਵੱਲੋਂ ਪੰਜ ਲੱਖ ਦੀ ਰਿਸ਼ਵਤ ਲੈਣ ਦਾ ਵੀਡੀਓ ਅਧਿਕਾਰੀਆਂ ਦੇ ਧਿਆਨ ਵਿੱਚ ਆਇਆ।
