ਅਨੌਖਾ ਵਿਆਹ! ਵਿਅਕਤੀ ਨੇ ਆਪਸ ‘ਚ ਜੁੜੀਆਂ ਦੋ ਭੈਣਾਂ ਨਾਲ ਲਈਆਂ ਲਾਵਾਂ, ਖੁੱਲਿਆ ਰਾਜ਼

ਅਜਿਹੇ ਮਾਮਲੇ ਅਕਸਰ ਲੋਕਾਂ ਨੂੰ ਹੈਰਾਨ ਕਰ ਦਿੰਦੇ ਹਨ। ਹਾਲਾਂਕਿ ਡਾਕਟਰਾਂ ਦਾ ਮੰਨਣਾ ਹੈ ਕਿ ਦੋ ਸਿਰਾਂ ਅਤੇ ਇੱਕ ਧੜ ਨਾਲ ਪੈਦਾ ਹੋਏ ਬੱਚੇ ਜ਼ਿਆਦਾ ਦੇਰ ਨਹੀਂ ਜੀਉਂਦੇ, ਪਰ ਬਹੁਤ ਸਾਰੇ ਬੱਚੇ ਜਿਉਂਦੇ ਰਹਿੰਦੇ ਹਨ। ਅਜਿਹੀਆਂ ਦੋ ਜੁੜਵਾ ਭੈਣਾਂ ਦੀ ਕਹਾਣੀ ਇਸ ਸਮੇਂ ਕਾਫੀ ਚਰਚਾ ‘ਚ ਹੈ।

ਇਨ੍ਹਾਂ ਦੋ ਭੈਣਾਂ ਦੇ ਨਾਂ ਐਬੀ ਅਤੇ ਬ੍ਰਿਟਨੀ ਹੇਂਸਲ ਹਨ। ਉਹ ਆਪਸ ਵਿਚ ਜੁੜੀਆਂ ਹੋਈਆਂ ਹਨ। ਉਨ੍ਹਾਂ ਦੇ ਦੋ ਸਿਰ ਹਨ, ਜਦੋਂ ਕਿ ਧੜ ਇੱਕ ਹੈ। ਨਿਊਯਾਰਕ ਪੋਸਟ ਦੀ ਰਿਪੋਰਟ ਮੁਤਾਬਕ ਦੋਵੇਂ ਭੈਣਾਂ ਪਹਿਲੀ ਵਾਰ 1996 ‘ਚ ਓਪਰਾ ਵਿਨਫਰੇ ਦੇ ਸ਼ੋਅ ‘ਤੇ ਨਜ਼ਰ ਆਈਆਂ ਸਨ। ਉਨ੍ਹਾਂ ‘ਤੇ ਇਕ ਵਿਸ਼ੇਸ਼ ਟੀਵੀ ਸ਼ੋਅ ਵੀ ਬਣਾਇਆ ਗਿਆ ਹੈ, ਜਿਸ ਵਿਚ ਦੱਸਿਆ ਗਿਆ ਹੈ ਕਿ ਉਹ ਕਿਵੇਂ ਆਮ ਲੋਕਾਂ ਵਾਂਗ ਆਪਣੀ ਜ਼ਿੰਦਗੀ ਜੀਅ ਰਹੀਆਂ ਹਨ ਅਤੇ ਬਹੁਤ ਖੁਸ਼ ਹੈ।

ਦੋਵਾਂ ਭੈਣਾਂ ਦੀ ਉਮਰ ਇਸ ਸਮੇਂ 34 ਸਾਲ ਹੈ ਅਤੇ ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਉਹ ਵਿਆਹੀਆਂ ਵੀ ਹਨ। ਖਬਰਾਂ ਮੁਤਾਬਕ ਉਨ੍ਹਾਂ ਦੇ ਵਿਆਹ ਨੂੰ ਤਿੰਨ ਸਾਲ ਹੋ ਚੁੱਕੇ ਹਨ ਪਰ ਇਹ ਗੱਲ ਹੁਣੇ ਹੀ ਸਾਹਮਣੇ ਆਈ ਹੈ। ਇਨ੍ਹਾਂ ਜੁੜਵਾਂ ਭੈਣਾਂ ਦਾ ਵਿਆਹ ਉਸ ਵਿਅਕਤੀ ਨਾਲ ਹੋਇਆ ਹੈ, ਜਿਸ ਦਾ ਨਾਂ ਜੋਸ਼ ਬੌਲਿੰਗ ਹੈ। ਜੋਸ਼ ਪਹਿਲਾਂ ਅਮਰੀਕੀ ਫੌਜ ਵਿੱਚ ਸੀ, ਪਰ ਹੁਣ ਇੱਕ ਹਸਪਤਾਲ ਵਿੱਚ ਨਰਸ ਵਜੋਂ ਕੰਮ ਕਰ ਰਿਹਾ ਹੈ। ਜੋਸ਼ ਆਪਣੀਆਂ ਦੋ ਪਤਨੀਆਂ ਐਬੀ ਅਤੇ ਬ੍ਰਿਟਨੀ ਨਾਲ ਮਿਨੇਸੋਟਾ ਵਿੱਚ ਰਹਿੰਦਾ ਹੈ।

ਜੋਸ਼ ਦਾ ਕਹਿਣਾ ਹੈ ਕਿ ਉਹ ਅਕਸਰ ਐਬੀ ਅਤੇ ਬ੍ਰਿਟਨੀ ਨਾਲ ਬਾਹਰ ਜਾਂਦੇ ਹਨ ਅਤੇ ਉਨ੍ਹਾਂ ਨੂੰ ਆਈਸਕ੍ਰੀਮ ਵੀ ਖੁਆਉਂਦੇ ਹਨ, ਕਿਉਂਕਿ ਉਨ੍ਹਾਂ ਨੂੰ ਆਈਸਕ੍ਰੀਮ ਬਹੁਤ ਪਸੰਦ ਹੈ।