ਦੁਨੀਆ ਦੀ ਸਭ ਤੋਂ ਲੰਬੀ ਔਰਤ ਲਈ ਜਹਾਜ਼ ‘ਚ ਏਅਰਹੋਸਟਸ ਨੇ 6 ਸੀਟਾਂ ਜੋੜ ਕੇ ਇੱਕ ਸੀਟ ਬਣਾਈ, ਫਿਰ ਤੈਅ ਕੀਤਾ ਸਫਰ

ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਸ ਲੜਕੀ ਦਾ ਕੱਦ ਇੰਨਾ ਲੰਬਾ ਹੈ ਕਿ ਇਸ ਦੇ ਇੰਤਜ਼ਾਮ ਲਈ ਜਹਾਜ਼ ‘ਚ ਇੱਕ ਨਹੀਂ, ਦੋ ਨਹੀਂ ਸਗੋਂ 6 ਸੀਟਾਂ ਲਗਾਉਣੀਆਂ ਪਈਆਂ।

ਤੁਹਾਡੀ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਰੁਮੇਸਾ ਗੇਲਗੀ ਦੀ ਕੱਦ 7 ਫੁੱਟ 7 ਇੰਚ ਹੈ। ਜ਼ਾਹਿਰ ਹੈ ਕਿ ਜਹਾਜ਼ ਵਿੱਚ ਯਾਤਰੀਆਂ ਲਈ ਵਰਤੀ ਜਾਣ ਵਾਲੀ ਸੀਟ ਰੁਮੇਸਾ ਲਈ ਕਾਫੀ ਨਹੀਂ ਸੀ। ਇਸ ਲਈ ਏਅਰਲਾਈਨਜ਼ ਨੇ ਰੁਮੇਸਾ ਲਈ 6 ਸੀਟਾਂ ਜੋੜ ਕੇ ਇੱਕ ਸੀਟ ਬਣਾਈ ਤਾਂ ਜੋ ਉਹ ਆਰਾਮ ਨਾਲ ਸਫ਼ਰ ਕਰ ਸਕਣ।

ਰੁਮੇਸਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਆਪਣੀ ਪਹਿਲੀ ਹਵਾਈ ਯਾਤਰਾ ਦੀਆਂ ਕੁਝ ਤਸਵੀਰਾਂ ਵੀ ਪੋਸਟ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਰੁਮੇਸਾ ਤੁਰਕੀ ਏਅਰਲਾਈਨਜ਼ ਦੇ ਜਹਾਜ਼ ‘ਚ ਲੰਬੀ ਸੀਟ ‘ਤੇ ਲੇਟ ਗਈ ਹੈ। ਦੁਨੀਆ ਦੀ ਸਭ ਤੋਂ ਲੰਬੀ ਕੁੜੀ ਦੀ ਪਹਿਲੀ ਫਲਾਈਟ ਲਈ ਛੇ ਆਰਥਿਕ ਸੀਟਾਂ ਨੂੰ ਸਟਰੈਚਰ ਵਿੱਚ ਬਦਲ ਦਿੱਤਾ ਗਿਆ ਸੀ। ਇਸੇ ਤਰ੍ਹਾਂ ਲੜਕੀ ਨੇ ਤੁਰਕੀ ਤੋਂ ਅਮਰੀਕਾ ਤੱਕ 13 ਘੰਟੇ ਦਾ ਸਫਰ ਤੈਅ ਕੀਤਾ।