ਅੰਮ੍ਰਿਤਸਰ ‘ਚ ਹਰਿਮੰਦਰ ਸਾਹਿਬ ਕੰਪਲੈਕਸ ਦੇ ਅੰਦਰ ਇਕ ਨਿਹੰਗ ਨੇ ਦੂਜੇ ਦਾ ਗੁੱਟ ਵੱਢ ਦਿੱਤਾ। ਜਿਸ ਤੋਂ ਬਾਅਦ ਦੋਸ਼ੀ ਨਿਹੰਗ ਮੌਕੇ ਤੋਂ ਫਰਾਰ ਹੋ ਗਿਆ। ਇਸਾਈ ਤੋਂ ਨਿਹੰਗ ਬਣੇ ਵਿੱਕੀ ਥਾਮਸ ਨੇ ਨਿਹੰਗ ਦੀ ਜਾਨ ਬਚਾਈ ਅਤੇ ਉਸ ਨੂੰ ਹਸਪਤਾਲ ਪਹੁੰਚਾਇਆ ਅਤੇ ਫਰਾਰ ਹੋਏ ਨਿਹੰਗ ‘ਤੇ ਮੰਗੂ ਮੱਠ ਦੇ ਨਾਂ ਦੀ ਦੁਰਵਰਤੋਂ ਕਰਨ ਦਾ ਦੋਸ਼ ਵੀ ਲਗਾਇਆ।
ਸ੍ਰੀ ਹਰਿਮੰਦਰ ਸਾਹਿਬ ਦੇ ਅੰਦਰ ਕਿਸੇ ਗੱਲ ਨੂੰ ਲੈ ਕੇ ਨਿਹੰਗਾਂ ਦੇ ਦੋ ਧੜਿਆਂ ਵਿਚਾਲੇ ਬਹਿਸ ਹੋ ਗਈ। ਇਸੇ ਦੌਰਾਨ ਮੰਗੂ ਮੱਠ ਦੇ ਰਮਨਦੀਪ ਸਿੰਘ ਨੇ ਇਕ ਹੋਰ ਨਿਹੰਗ ‘ਤੇ ਆਪਣੀ ਤਲਵਾਰ ਨਾਲ ਹਮਲਾ ਕਰ ਦਿੱਤਾ ਅਤੇ ਫ਼ਰਾਰ ਹੋ ਗਿਆ। ਪਰ ਇਸੇ ਦੌਰਾਨ ਅੰਮ੍ਰਿਤਸਰ ਆਏ ਵਿੱਕੀ ਥਾਮਸ ਨੇ ਜ਼ਖਮੀ ਨਿਹੰਗ ਨੂੰ ਹਸਪਤਾਲ ਪਹੁੰਚਾਇਆ ਅਤੇ ਰਮਨਦੀਪ ਸਿੰਘ ‘ਤੇ ਨਿਹੰਗ ਬਾਣੇ ਦੀ ਦੁਰਵਰਤੋਂ ਕਰਨ ਦੇ ਦੋਸ਼ ਲਾਏ।
ਵਿੱਕੀ ਥਾਮਸ ਨੇ ਰਮਨਦੀਪ ਸਿੰਘ ‘ਤੇ ਨਿਹੰਗ ਬਾਣੇ ਅਤੇ ਮੰਗੂ ਮੱਠ ਦੀ ਦੁਰਵਰਤੋਂ ਕਰਨ ਦੇ ਦੋਸ਼ ਲਾਏ ਹਨ। ਉਹ ਨਿਹੰਗ ਬਣ ਕੇ ਲੋਕਾਂ ਨੂੰ ਡਰਾਉਂਦਾ ਹੈ ਅਤੇ ਆਪਣੀਆਂ ਗਲਤ ਯੋਜਨਾਵਾਂ ਨੂੰ ਅੰਜਾਮ ਦਿੰਦਾ ਹੈ। ਇੱਥੇ ਵੀ ਉਹ ਇੱਕ ਵਾਹਨ ਉਤੇ ਕਬਜ਼ਾ ਕਰਨ ਆਇਆ ਸੀ। ਇੰਨਾ ਹੀ ਨਹੀਂ ਉਸ ਕੋਲ ਰਮਨਦੀਪ ਸਿੰਘ ਦੀ ਵੀਡੀਓ ਹੈ, ਜਿਸ ‘ਚ ਉਹ ਔਰਤਾਂ ਨਾਲ ਭੱਦੀ ਭਾਸ਼ਾ ਦੀ ਵਰਤੋਂ ਕਰਦਾ ਹੈ।
ਵਿੱਕੀ ਥਾਮਸ ਨੇ ਦੱਸਿਆ ਕਿ ਉਹ ਹੁਣ ਇਸ ਦੀ ਸ਼ਿਕਾਇਤ ਪੁਲਿਸ ਕੋਲ ਲੈ ਕੇ ਜਾ ਰਹੇ ਹਨ। ਉਹ ਰਮਨਦੀਪ ਸਿੰਘ ਦੀਆਂ ਗਲਤੀਆਂ ਬਾਰੇ ਵੀ ਪੁਲਸ ਨੂੰ ਦੱਸੇਗਾ।
