ਜਹਾਜ਼ 55 ਯਾਤਰੀਆਂ ਨੂੰ ਹਵਾਈ ਅੱਡੇ ਛੱਡ ਕੇ ਦਿੱਲੀ ਹੋਇਆ ਰਵਾਨਾ,Go Air ਨੂੰ ਠੋਕਿਆ 10 ਲੱਖ ਰੁ. ਜੁਰਮਾਨਾ
ਡਾਇਰੈਕਟੋਰੇਟ ਜਨਰਲ ਆਫ ਸਿਵਲ ਏਵੀਏਸ਼ਨ (DGCA) ਨੇ ਗੋ ਏਅਰ ‘ਤੇ 10 ਲੱਖ ਦਾ ਜੁਰਮਾਨਾ ਲਗਾਇਆ ਹੈ। 9 ਜਨਵਰੀ ਨੂੰ ਬੈਂਗਲੁਰੂ-ਦਿੱਲੀ ਫਲਾਈਟ ‘ਚ ਗੋ ਏਅਰ ਦਾ ਜਹਾਜ਼ 55 ਯਾਤਰੀਆਂ ਨੂੰ ਬੈਂਗਲੁਰੂ ਹਵਾਈ ਅੱਡੇ ‘ਤੇ ਛੱਡ ਕੇ ਦਿੱਲੀ ਲਈ ਰਵਾਨਾ ਹੋਇਆ। ਜਾਂਚ ‘ਤੇ ਪਤਾ ਲੱਗਾ ਕਿ ਗੋ ਏਅਰ ‘ਚ ਕਮਿਊਨੀਕੇਸ਼ਨ ਦੀ ਸਮੱਸਿਆ ਸੀ।
ਇਹ ਸਾਰੇ ਯਾਤਰੀ ਜਹਾਜ਼ ‘ਚ ਸਵਾਰ ਹੋਣ ਲਈ ਮੂਲ ਹਵਾਈ ਅੱਡੇ ‘ਤੇ ਕੋਚ ‘ਚ ਉਡੀਕ ਕਰ ਰਹੇ ਸਨ। GoFirst ਫਲਾਈਟ G8 116 ਦੀ ਘਟਨਾ ਤੋਂ ਇਕ ਦਿਨ ਬਾਅਦ, ਡੀਜੀਸੀਏ ਨੇ ਏਅਰਲਾਈਨ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕਰਕੇ ਪੁੱਛਿਆ ਹੈ ਕਿ ਉਨ੍ਹਾਂ ਦੇ ਰੈਗੂਲੇਟਰੀ ਜ਼ਿੰਮੇਵਾਰੀਆਂ ਦੀ ਉਲੰਘਣਾ ਕਰਨ ਲਈ ਉਨ੍ਹਾਂ ਦੇ ਖਿਲਾਫ ਲਾਗੂ ਕਾਰਵਾਈ ਕਿਉਂ ਨਹੀਂ ਕੀਤੀ ਜਾਣੀ ਚਾਹੀਦੀ।
ਇਸ ਘਟਨਾ ਤੋਂ ਬਾਅਦ ਕੁਝ ਯਾਤਰੀਆਂ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੇ ਇਤਰਾਜ਼ ਸਾਂਝੇ ਕੀਤੇ ਸਨ। ਯਾਤਰੀਆਂ ਨੇ ਦੱਸਿਆ ਕਿ ਯਾਤਰੀ ਬੋਰਡ ਪਾਸ ਲੈ ਕੇ ਬੈਂਗਲੁਰੂ ਦੇ ਕੇਮਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਬੱਸ ‘ਚ ਸਵਾਰ ਹੋਏ ਸਨ। ਇਹ ਬੱਸ ਏਅਰ ਪਲੇਨ ਤੱਕ ਲੈ ਕੇ ਵੀ ਗਈ, ਪਰ ਇਸ ਦੇ ਬਾਵਜੂਦ ਯਾਤਰੀਆਂ ਨੂੰ ਬੋਰਡ ਨਹੀਂ ਕਰਾਇਆ ਗਿਆ ਅਤੇ ਉਨ੍ਹਾਂ ਨੂੰ ਉਥੇ ਛੱਡ ਕੇ ਪਲੇਨ ਅਸਮਾਨ ਵਿੱਚ ਉੱਡ ਗਿਆ ਸੀ। ਡੀਸੀਜੀਏ ਨੇ ਆਪਣੇ ਜਵਾਬ ਵਿੱਚ ਕਿਹਾ ਕਿ ਗੋ ਫਰਸਟ ਨੇ ਖੁਲਾਸਾ ਕੀਤਾ ਹੈ ਕਿ ਟਰਮਿਨਲ ਨੂੰ ਕੋਆਰਡੀਨੇਟਰ (ਟੀਸੀ, ਵਣਜ ਕਰਮਚਾਰੀਆਂ ਅਤੇ ਕਰੂਰ ਮੈਂਬਰਸ ਵਿਚਾਲੇ ਜਹਾਜ਼ ਵਿੱਚ ਸਵਾਰ ਹੋਣ ਸਬੰਧੀ ਗਲਤ ਸੰਚਾਰ ਤੇ ਤਾਲਮੇਲ ਸੀ।
ਘਟਨਾ ਤੋਂ ਬਾਅਦ GoFirst ਨੇ ਗਲਤੀ ਲਈ “ਮੁਆਫੀ” ਮੰਗੀ ਅਤੇ ਜਾਂਚ ਸ਼ੁਰੂ ਕੀਤੀ। ਏਅਰਲਾਈਨ ਨੇ ਉਨ੍ਹਾਂ 55 ਯਾਤਰੀਆਂ ਵਿੱਚੋਂ ਹਰੇਕ ਨੂੰ ਘਰੇਲੂ ਯਾਤਰਾ ਲਈ ਇੱਕ ਟਿਕਟ ਦੀ ਪੇਸ਼ਕਸ਼ ਵੀ ਕੀਤੀ ਸੀ। GoFirst ਦੇ ਬੁਲਾਰੇ ਨੇ ਕਿਹਾ ਕਿ ਬੇਂਗਲੁਰੂ ਤੋਂ ਦਿੱਲੀ ਜਾਣ ਵਾਲੀ ਉਡਾਨ G8 116 ਵਿੱਚ ਅਣਜਾਣੇ ਵਿੱਚ ਯਾਤਰੀਆਂ ਨੂੰ ਹੋਈ ਅਸੁਵਿਧਾ ਲਈ ਅਸੀਂ ਈਮਾਨਦਾਰੀ ਨਾਲ ਮੁਆਫੀ ਚਾਹੁੰਦੇ ਹਾਂ।
