ਲੱਖਾਂ ਵਿਦਿਆਰਥੀਆਂ ਲਈ ਖੁਸ਼ਖਬਰੀ, ਪੰਜਾਬ ਦੇ ਸਕੂਲਾਂ ‘ਚ ਲਾਗੂ ਹੋਇਆ ਇਹ ਕਾਨੂੰਨ

ਪੰਜਾਬ ਦੇ ਸਰਕਾਰੀ ਸਕੂਲਾਂ ਵਿੱਚ ਪੜ੍ਹ ਰਹੇ ਵਿਦਿਆਰਥੀਆਂ ਲਈ ਵੱਡੀ ਖੁਸ਼ਖਬਰੀ ਆਈ ਹੈ। ਜਾਣਕਾਰੀ ਮੁਤਾਬਕ, ਪੰਜਾਬ ਸਰਕਾਰ ਨੇ 5+3+3+4 ਮਾਡਲ ਨੂੰ ਲਾਗੂ ਕਰ ਦਿੱਤਾ ਹੈ। ਹੁਣ ਪੰਜਾਬ ਦੇ ਬੱਚੇ 10+2 ਦੇ ਪੁਰਾਣੇ ਮਾਡਲ ਦੀ ਥਾਂ ‘ਤੇ ਰਾਸ਼ਟਰੀ ਸਿੱਖਿਆ ਨੀਤੀ 2020 ਦੇ ਤਹਿਤ ਜਾਰੀ ਕੀਤੇ ਗਏ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਪੜ੍ਹਨਗੇ। ਦੱਸਿਆ ਗਿਆ ਹੈ ਕਿ ਪੰਜਾਬ ਦੇ 12,819 ਸਰਕਾਰੀ ਸਕੂਲਾਂ ਵਿੱਚ 14 ਲੱਖ ਬੱਚਿਆਂ ਨੂੰ 5+3+3+4 ਮਾਡਲ ਦੇ ਤਹਿਤ ਦਾਖਲਾ ਦਿੱਤਾ ਗਿਆ ਹੈ।

ਇਸ ਨਵੇਂ ਮਾਡਲ ਦਾ ਪਹਿਲਾ ਪੱਧਰ, ਜਿਸਨੂੰ ਫਾਉਂਡੇਸ਼ਨ ਸਟੇਜ ਕਹਿੰਦੇ ਹਨ, 3 ਸਾਲ ਦੀ ਉਮਰ ਵਿੱਚ ਨਰਸਰੀ ਕਲਾਸ ਤੋਂ ਸ਼ੁਰੂ ਹੁੰਦਾ ਹੈ। ਫਾਉਂਡੇਸ਼ਨ ਸਟੇਜ ਵਿੱਚ LKG, UKG, ਪਹਿਲੀ ਅਤੇ ਦੂਜੀ ਕਲਾਸ ਸ਼ਾਮਲ ਹਨ। ਇਸਦੇ ਬਾਅਦ 8 ਸਾਲ ਦੀ ਉਮਰ ਵਿੱਚ ਬੱਚਾ ਤੀਜੀ ਕਲਾਸ ਵਿੱਚ ਦਾਖਲਾ ਲਵੇਗਾ, ਜੋ ਪ੍ਰੀਪਰੇਟਰੀ ਸਟੇਜ ਹੋਵੇਗੀ। ਫਿਰ ਬੱਚਾ ਮਿਡਲ ਸਟੇਜ ਵਿੱਚ 11 ਸਾਲ ਦੀ ਉਮਰ ਵਿੱਚ 8ਵੀਂ ਕਲਾਸ ਪੜੇਗਾ। ਸਕੈਂਡਰੀ ਸਟੇਜ ਵਿੱਚ ਬੱਚਾ 14 ਸਾਲ ਦੀ ਉਮਰ ਵਿੱਚ 9ਵੀਂ ਕਲਾਸ ਵਿੱਚ ਦਾਖਲਾ ਲਵੇਗਾ ਅਤੇ 18 ਸਾਲ ਦੀ ਉਮਰ ਵਿੱਚ 12ਵੀਂ ਕਲਾਸ ਪੂਰੀ ਕਰੇਗਾ।