ਦਿਨ ਦਿਹਾੜੇ ਬੈਂਕ ‘ਚੋ 14 ਕਰੋੜ ਦਾ ਸੋਨਾ ਅਤੇ ਲੱਖਾਂ ਦੀ ਨਕਦੀ ਲੱਟ ਕੇ ਲੁਟੇਰੇ ਫਰਾਰ

Robbers flee after stealing gold worth 14 crores and cash worth lakhs from bank

ਮੱਧ ਪ੍ਰਦੇਸ਼ ਦੇ ਜਬਲਪੁਰ ਵਿੱਚ ਲੁਟੇਰਿਆਂ ਨੇ ਇੱਕ ਵੱਡੀ ਲੁੱਟ ਨੂੰ ਅੰਜਾਮ ਦਿੱਤਾ ਹੈ। ਉਨ੍ਹਾਂ ਨੇ ਜਬਲਪੁਰ ਵਿੱਚ ਇੱਕ ਸਮਾਲ ਫਾਈਨੈਂਸ ਬੈਂਕ ਦੀ ਸ਼ਾਖਾ ਤੋਂ 14.8 ਕਿਲੋ ਸੋਨਾ ਅਤੇ 5 ਲੱਖ ਰੁਪਏ ਦੀ ਨਕਦੀ ਲੁੱਟ ਲਈ। ਸਿਰਫ਼ 18 ਮਿੰਟਾਂ ਵਿੱਚ ਕੀਤੀ ਗਈ ਇਸ ਡਕੈਤੀ ਵਿੱਚ ਲੁਟੇਰਿਆਂ ਵੱਲੋਂ ਲੁੱਟੇ ਗਏ ਸੋਨੇ ਦੀ ਕੀਮਤ 14 ਕਰੋੜ ਰੁਪਏ ਤੋਂ ਵੱਧ ਦੱਸੀ ਜਾ ਰਹੀ ਹੈ।

ਮੁਲਜ਼ਮ ਦੋ ਮੋਟਰਸਾਈਕਲਾਂ ‘ਤੇ ਹੈਲਮੇਟ ਪਹਿਨ ਕੇ ਆਏ ਅਤੇ ਜਬਲਪੁਰ ਦੇ ਖਿਤੌਲੀ ਵਿੱਚ ਬੈਂਕ ਵਿੱਚ ਦਾਖਲ ਹੋਏ ਅਤੇ ਸਿਰਫ਼ 18 ਮਿੰਟਾਂ ਵਿੱਚ ਲੁੱਟ ਨੂੰ ਅੰਜਾਮ ਦੇਣ ਤੋਂ ਬਾਅਦ ਫਰਾਰ ਹੋ ਗਏ। ਜਬਲਪੁਰ ਦਿਹਾਤੀ ਦੇ ਐਡੀਸ਼ਨਲ ਐਸਪੀ ਸੂਰਿਆਕਾਂਤ ਸ਼ਰਮਾ ਨੇ ਕਿਹਾ ਕਿ ਈਐਸਏਐਫ ਸਮਾਲ ਫਾਈਨੈਂਸ ਬੈਂਕ ਦੇ ਹਿਸਾਬ ਨਾਲ, ਲੁਟੇਰਿਆਂ ਨੇ 14.8 ਕਿਲੋ ਸੋਨਾ (ਲਗਭਗ 14 ਕਰੋੜ ਰੁਪਏ) ਅਤੇ 5 ਲੱਖ ਰੁਪਏ ਨਕਦ ਲੁੱਟ ਲਏ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਬੈਂਕ ਸ਼ਾਖਾ ਵਿੱਚ ਕੋਈ ਸੁਰੱਖਿਆ ਗਾਰਡ ਨਹੀਂ ਸੀ। ਘਟਨਾ ਸਮੇਂ ਛੇ ਕਰਮਚਾਰੀ ਸਨ। ਲੁਟੇਰੇ ਸਵੇਰੇ 8.50 ਵਜੇ ਅੰਦਰ ਦਾਖਲ ਹੋਏ ਅਤੇ ਲਗਭਗ 9.08 ਵਜੇ ਬਾਹਰ ਆਏ। ਉਹ ਮੋਟਰਸਾਈਕਲ ‘ਤੇ ਭੱਜ ਗਏ। ਅਸੀਂ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਹਨ।