3 doctors suspended for death of 3 patients at Jalandhar Civil Hospital
ਜਲੰਧਰ ਸਿਵਲ ਹਸਪਤਾਲ ਦੇ ਟਰਾਮਾ ਵਾਰਡ ਵਿੱਚ 3 ਮਰੀਜ਼ਾਂ ਦੀ ਮੌਤ ਵਿੱਚ ਘੋਰ ਲਾਪਰਵਾਹੀ ਪਾਈ ਗਈ ਹੈ। ਇਸ ਕਾਰਨ ਐਮਐਸ ਡਾ. ਰਾਜ ਕੁਮਾਰ, ਐਸਐਮਓ ਡਾ. ਸੁਰਜੀਤ ਸਿੰਘ ਅਤੇ ਡਾ. ਸੋਨਾਕਸ਼ੀ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਹਸਪਤਾਲ ਪ੍ਰਸ਼ਾਸਨ ਵੱਲੋਂ ਕੁੱਝ ਲਾਪਰਵਾਹੀ ਪਾਈ ਗਈ ਹੈ ਜਿਸ ਤੋਂ ਬਾਅਦ ਇਹ ਕਾਰਵਾਈ ਕੀਤੀ ਗਈ ਹੈ।
ਇਸ ਦੌਰਾਨ, ਸਿਵਲ ਹਸਪਤਾਲ ਦੇ ਐਮਐਸ ਡਾਕਟਰ ਰਾਜ ਕੁਮਾਰ ਦਾ ਇਸ ਘਟਨਾ ਸਬੰਧੀ ਇੱਕ ਬਿਆਨ ਸਾਹਮਣੇ ਆਇਆ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਮਾਮਲੇ ਦੀ ਜਾਂਚ ਕਰ ਲਈ ਹੈ। ਘਟਨਾ ਸਮੇਂ ਹਾਊਸ ਸਰਜਨ ਡਾਕਟਰ ਸ਼ਮਿੰਦਰ ਸਿੰਘ ਡਿਊਟੀ ‘ਤੇ ਮੌਜੂਦ ਨਹੀਂ ਸਨ। ਉਸ ਨੇ ਕਿਹਾ ਕਿ ਉਹ ਕਿਸੇ ਨੂੰ ਦੱਸੇ ਬਿਨਾਂ ਡਿਊਟੀ ਤੋਂ ਘਰ ਚਲਾ ਗਿਆ ਸੀ।
ਡਾਕਟਰ ਨੇ ਕਿਹਾ ਕਿ ਇਨ੍ਹਾਂ ਡਾਕਟਰਾਂ ਦਾ ਛੇ ਮਹੀਨਿਆਂ ਦਾ ਇਕਰਾਰਨਾਮਾ ਹੁੰਦਾ ਹੈ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਉਨ੍ਹਾਂ ਦੇ ਕੰਮ ਦੇ ਆਧਾਰ ‘ਤੇ ਸਥਾਈ ਕਰ ਦਿੱਤਾ ਜਾਂਦਾ ਹੈ ਅਤੇ ਉਨ੍ਹਾਂ ਦੀ ਤਨਖਾਹ 37,000 ਰੁਪਏ ਤੋਂ ਵੱਧ ਕੇ 70,000 ਰੁਪਏ ਹੋ ਜਾਂਦੀ ਹੈ। ਪਰ ਕੰਮ ਵਿੱਚ ਲਾਪਰਵਾਹੀ ਕਾਰਨ ਡਾ. ਸ਼ਮਿੰਦਰ ਨੂੰ ਹਟਾ ਦਿੱਤਾ ਗਿਆ ਹੈ।
ਉਸਨੇ ਦੱਸਿਆ ਕਿ ਘਟਨਾ ਵਾਲੇ ਦਿਨ ਡਾਕਟਰ ਸੋਨਾਕਸ਼ੀ ਸ਼ਾਮ ਦੀ ਡਿਊਟੀ ‘ਤੇ ਸੀ ਅਤੇ ਉਹ ਸਾਰੇ ਬੈਠਣ ਵਾਲੀ ਡਿਊਟੀ ‘ਤੇ ਸਨ। ਐਸਐਮਓ ਡਾ: ਸੁਰਜੀਤ ਸਿੰਘ ਆਕਸੀਜਨ ਪਲਾਂਟ ਦੇ ਇੰਚਾਰਜ ਸਨ।
