ਸਰਕਾਰ ਟਰਾਂਸਜੈਂਡਰਾਂ ਨੂੰ ਲਿੰਗ ਤਬਦੀਲੀ ਦੀ ਸਰਜਰੀ ਭਾਵ ਲਿੰਗ ਰੀ-ਅਸਾਇਨਮੈਂਟ ਸਰਜਰੀ (SRS) ਕਰਵਾਉਣ ਲਈ 2.5 ਲੱਖ ਰੁਪਏ ਤੱਕ ਦੀ ਸਹਾਇਤਾ ਪ੍ਰਦਾਨ ਕਰੇਗੀ। ਇਹ ਸਰਜਰੀ ਟਰਾਂਸਜੈਂਡਰਾਂ ਦੀ ਇੱਛਾ ‘ਤੇ ਹੀ ਕੀਤੀ ਜਾਵੇਗੀ। ਸੂਬੇ ਵਿੱਚ 20 ਹਜ਼ਾਰ ਤੋਂ ਵੱਧ ਟਰਾਂਸਜੈਂਡਰ ਹਨ। ਰਾਜਸਥਾਨ ਦੇਸ਼ ਦਾ ਪਹਿਲਾ ਰਾਜ ਹੋਵੇਗਾ, ਜਿੱਥੇ ਟਰਾਂਸਜੈਂਡਰਾਂ ਲਈ ਐਸ.ਆਰ.ਐਸ. ਕੀਤਾ ਜਾਵੇਗਾ।
ਸੂਬਾ ਸਰਕਾਰ ਨੇ ਇਸ ਲਈ 10 ਕਰੋੜ ਰੁਪਏ ਦਾ ਅਪਲਿਫਟਮੈਂਟ ਫੰਡ ਵੀ ਬਣਾਇਆ ਹੈ। ਸਮਾਜਿਕ ਨਿਆਂ ਅਤੇ ਅਧਿਕਾਰਤਾ ਵਿਭਾਗ ਦੇ ਮੰਤਰੀ ਟਿਕਰਾਮ ਜੂਲੀ ਨੇ ਦੱਸਿਆ ਕਿ ਸਰਕਾਰ ਜਾਂ ਤਾਂ ਸਰਜਰੀ ਮੁਫਤ ਕਰਵਾਏਗੀ ਜਾਂ 2.50 ਲੱਖ ਰੁਪਏ ਤੱਕ ਦਾ ਭੁਗਤਾਨ ਕਰੇਗੀ। ਦਿਲਚਸਪੀ ਰੱਖਣ ਵਾਲੇ ਯੋਗ ਟਰਾਂਸਜੈਂਡਰ ਸਮਾਜਿਕ ਸਸ਼ਕਤੀਕਰਨ ਨਿਆਂ ਵਿਭਾਗ ਵਿੱਚ ਅਰਜ਼ੀ ਦੇਣਗੇ।
