ਮਹਿੰਦਰਾ ਗਰੁੱਪ ਦੇ ਮਾਲਕ ਆਨੰਦ ਮਹਿੰਦਰਾ ਸਣੇ 13 ਲੋਕਾਂ ਖਿਲਾਫ FIR ਕਰਵਾਈ ਦਰਜ

 ਰਾਜੇਸ਼ ਮਿਸ਼ਰਾ ਨੇ 2 ਦਸੰਬਰ 2020 ਨੂੰ ਆਪਣੇ ਇਕਲੌਤੇ ਪੁੱਤਰ ਡਾਕਟਰ ਅਪੂਰਵ ਨੂੰ ਸ਼ਹਿਰ ਦੀ ਜ਼ਰੀਬ ਚੌਂਕੀ ਸਥਿਤ ਤਿਰੂਪਤੀ ਸ਼ੋਅਰੂਮ ਤੋਂ ਨੂੰ ਸਕਾਰਪੀਓ ਦਿਵਾਈ ਸੀ। ਕਾਰ ਦੀ ਕੀਮਤ 17 ਲੱਖ ਰੁਪਏ ਸੀ। ਉਨ੍ਹਾਂ ਨੇ ਇਹ ਕਾਰ ਆਪਣੇ ਬੇਟੇ ਨੂੰ ਤੋਹਫੇ ਵਜੋਂ ਦਿੱਤੀ। ਕਾਰ ਖਰੀਦਣ ਤੋਂ ਬਾਅਦ 14 ਜਨਵਰੀ 2021 ਨੂੰ ਡਾਕਟਰ ਅਪੂਰਵਾ ਆਪਣੇ ਦੋ ਦੋਸਤਾਂ ਨਾਲ ਲਖਨਊ ਤੋਂ ਕਾਨਪੁਰ ਆ ਰਿਹਾ ਸੀ। ਇਸ ਦੌਰਾਨ ਕਾਰ ਰਸਤੇ ਵਿੱਚ ਡਿਵਾਈਡਰ ਨਾਲ ਟਕਰਾ ਗਈ। ਇਸ ਤੋਂ ਬਾਅਦ ਇਹ ਕਈ ਵਾਰ ਸੜਕ ‘ਤੇ ਪਲਟੀ। ਡਾਕਟਰ ਅਪੂਰਵਾ ਸਮੇਤ ਸਾਰਿਆਂ ਨੇ ਸੀਟ ਬੈਲਟ ਲਾਈ ਹੋਈ ਸੀ।

 ਹਾਦਸੇ ‘ਚ ਡਾਕਟਰ ਅਪੂਰਵ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਪਿਤਾ ਰਾਜੇਸ਼ ਮਿਸ਼ਰਾ ਨੇ ਪੁਲਸ ਦੀ ਮਦਦ ਨਾਲ ਕਾਰ ਦੀ ਸਥਿਤੀ ਦੀ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਏਅਰਬੈਗ ਨਾ ਖੁੱਲ੍ਹਣ ਕਾਰਨ ਉਸ ਦੇ ਬੇਟੇ ਦੀ ਮੌਤ ਹੋਈ ਹੈ। ਇਸ ਤੋਂ ਬਾਅਦ ਉਸ ਨੇ ਸਭ ਤੋਂ ਪਹਿਲਾਂ ਮਹਿੰਦਰਾ ਗਰੁੱਪ ਦੇ ਅਧਿਕਾਰੀਆਂ ਨੂੰ ਘਟਨਾ ਦੀ ਜਾਣਕਾਰੀ ਦਿੱਤੀ। ਦੋਸ਼ ਹੈ ਕਿ ਅਧਿਕਾਰੀਆਂ ਨੇ ਮਦਦ ਕਰਨ ਦੀ ਬਜਾਏ ਉਸ ਨਾਲ ਦੁਰਵਿਵਹਾਰ ਕੀਤਾ। ਇਸ ਤੋਂ ਬਾਅਦ ਰਾਜੇਸ਼ ਮਿਸ਼ਰਾ ਨੇ ਅਦਾਲਤ ਦਾ ਸਹਾਰਾ ਲਿਆ। ਇਸ ਤੋਂ ਬਾਅਦ ਅਦਾਲਤ ਦੇ ਹੁਕਮਾਂ ‘ਤੇ ਮਹਿੰਦਰਾ ਗਰੁੱਪ ਦੇ 13 ਅਧਿਕਾਰੀਆਂ ਖਿਲਾਫ ਰਾਏਪੁਰਵਾ ਥਾਣੇ ‘ਚ ਐੱਫ.ਆਈ.ਆਰ. ਦਰਜ ਕੀਤੀ ਗਈ।

 ਰਾਏਪੁਰਵਾ ਥਾਣਾ ਇੰਚਾਰਜ ਅਮਨ ਸਿੰਘ ਨੇ ਪੁਸ਼ਟੀ ਕੀਤੀ ਕਿ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਦੱਸਿਆ ਕਿ ਜੂਹੀ ਨਿਵਾਸੀ ਰਾਜੇਸ਼ ਮਿਸ਼ਰਾ ਦੀ ਸ਼ਿਕਾਇਤ ਅਤੇ ਅਦਾਲਤ ਦੇ ਹੁਕਮਾਂ ‘ਤੇ ਮਹਿੰਦਰਾ ਗਰੁੱਪ ਦੇ 13 ਜ਼ਿੰਮੇਵਾਰ ਅਧਿਕਾਰੀਆਂ (ਕਈ ਡਾਇਰੈਕਟਰਾਂ ਸਮੇਤ) ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ। ਜਿਨ੍ਹਾਂ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਗਈ ਹੈ ਉਨ੍ਹਾਂ ਵਿੱਚ ਚੰਦਰਪ੍ਰਕਾਸ਼ ਗੁਰਨਾਨੀ, ਵਿਕਰਮ ਸਿੰਘ ਮਹਿਤਾ, ਰਾਜੇਸ਼ ਗਣੇਸ਼ ਜੇਜੂਰੀਕਰ, ਅਨੀਸ ਦਿਲੀਪ ਸ਼ਾਹ, ਥੋਟਾਲਾ ਨਰਾਇਣਸਵਾਮੀ, ਹਰਗਰੇਵ ਖੇਤਾਨ, ਮੁਥੱਈਆ ਮੁਰਗੱਪਨ ਮੁਥੱਈਆ, ਵਿਸ਼ਾਖਾ ਨੀਰੂਭਾਈ ਦੇਸਾਈ, ਨਿਸਬਾ ਗੋਦਰੇਜ, ਆਨੰਦ ਗੋਪਾਲ ਮਹਿੰਦਰਾ, ਸੀਖਾ ਸੰਜੇ ਸ਼ਰਮਾ, ਵਿਜੇ ਕੁਮਾਰ ਸ਼ਰਮਾ ਅਤੇ ਤਿਰੂਪਤੀ ਆਟੋ (ਅਧਿਕਾਰਤ ਡੀਲਰ ਮਹਿੰਦਰਾ ਐਂਡ ਮਹਿੰਦਰਾ ਕੰਪਨੀ ਪ੍ਰਾਈਵੇਟ ਲਿਮਟਿਡ) ਦੇ ਮੈਨੇਜਰ ਸ਼ਾਮਲ ਹਨ।