ਪੁਲਿਸ ਕੰਪਲੈਕਸ ‘ਚ ਪੁਲਿਸ ਮੁਲਾਜਮਾਂ ਨੇ ਮਾਰੀਆਂ ਇਕ-ਦੂਜੇ ਦੇ ਛੁਰੀਆਂ ਕੁੱਟਮਾਰ, ਲੋਕਾਂ ਨੇ ਬਣਾਈ ਵੀਡੀਓ

Police officers stabbed and beat each other in the police complex, people made a video

ਚੰਡੀਗੜ੍ਹ ਦੇ ਧਨਾਸ ਸਥਿਤ ਪੁਲਿਸ ਕੰਪਲੈਕਸ ਵਿੱਚ ਸੋਮਵਾਰ ਨੂੰ ਦੋ ਕਾਂਸਟੇਬਲਾਂ ਵਿਚਕਾਰ ਕਿਸੇ ਗੱਲ ਨੂੰ ਲੈ ਕੇ ਹਲਕੀ ਜਹੀ ਤਕਰਾਰ ਹੋਈ, ਜੋ ਕੁਝ ਹੀ ਵੇਲੇ ਵਿੱਚ ਕੁੱਟਮਾਰ ਵਿੱਚ ਤਬਦੀਲ ਹੋ ਗਈ। ਇਸ ਦੌਰਾਨ ਇੱਕ ਕਾਂਸਟੇਬਲ ਘਰ ਤੋਂ ਛੁਰੀ ਲੈ ਆਇਆ ਅਤੇ ਦੂਜੇ ‘ਤੇ ਵਾਰ ਕਰ ਦਿੱਤਾ। ਛੁਰੀ ਕਾਂਸਟੇਬਲ ਦੇ ਹੱਥ ‘ਚ ਲੱਗੀ, ਜਿਸ ਨਾਲ ਖੂਨ ਵਗਣ ਲੱਗ ਪਿਆ। ਇਸੇ ਸਮੇਂ ਜਖ਼ਮੀ ਪੁਲਿਸ ਕਰਮਚਾਰੀ ਦੀ ਕਾਂਸਟੇਬਲ ਭੈਣ ਵੀ ਵਿਚਕਾਰ ਆ ਗਈ। ਉਸਨੇ ਆਰੋਪੀ ਦਾ ਕਾਲਰ ਫੜ ਕੇ ਉਸ ਨਾਲ ਭਿੜ ਗਈ ਅਤੇ ਛੁਰੀ ਖੋ ਲਈ।

ਲੋਕ ਬਣਾਉਂਦੇ ਰਹੇ ਵੀਡੀਓ

ਖਾਸ ਗੱਲ ਇਹ ਰਹੀ ਕਿ ਪੁਲਿਸ ਕੰਪਲੈਕਸ ਵਿੱਚ ਇਹ ਘਟਨਾ ਹੋ ਰਹੀ ਸੀ ਅਤੇ ਉੱਥੇ ਕਾਫੀ ਲੋਕ ਮੌਜੂਦ ਸਨ, ਜੋ ਵੀਡੀਓ ਤਾਂ ਬਣਾਉਂਦੇ ਰਹੇ ਪਰ ਕਿਸੇ ਨੇ ਵਿਚਕਾਰ ਆ ਕੇ ਰੋਕਣਾ ਜ਼ਰੂਰੀ ਨਹੀਂ ਸਮਝਿਆ। ਬਾਅਦ ਵਿਚ ਸੂਚਨਾ ਮਿਲਣ ‘ਤੇ ਪੁਲਿਸ ਕਰਮਚਾਰੀ ਮੌਕੇ ‘ਤੇ ਪਹੁੰਚੇ ਅਤੇ ਦੋਵੇਂ ਕਾਂਸਟੇਬਲਾਂ ਨੂੰ ਥਾਣੇ ਲੈ ਜਾ ਕੇ ਪੁੱਛਗਿੱਛ ਕੀਤੀ। ਸ਼ਾਮ ਦੇ ਵੇਲੇ ਛੁਰੀ ਮਾਰਨ ਵਾਲੇ ਕਾਂਸਟੇਬਲ ਦੇ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਗਿਆ।